پوليتسيا قىزمەتكەرلەرى تۇلەكتەرگە جانە ولاردىڭ اتا-انالارىنا مالىمدەمە جاسادى

None
استانا. قازاقپارات - پوليتسيا مەكتەپ ءبىتىرۋشى تۇلەكتەرگە جانە ولاردىڭ اتا-انالارىنا مالىمدەمە جاسادى، دەپ حابارلايدى Polisia.kz.

وسى اپتادا ەلىمىزدە «مەكتەپ ءبىتىرۋ كەشتەرى» وتكىزىلۋدە.

بىلتىرعى جىلدارى تۇلەكتەردىڭ كاتىسۋىمەن ءار ءتۇرلى قۇقىق بۇزۋشىلىقتار ورىن العان. ءىس-شارالار وتكىزىلەتىن ورىنداردا قۇقىقتىق ءتارتىپتى تيىسىنشە قامتاماسىز ەتۋ ءۇشىن ءاربىر وقۋ ورنىنا پوليتسيا قىزمەتكەرلەرى جانە باسشى قۇرام قاتارىنان جاۋاپتىلار بەكىتىلدى. قوعامدىق ءتارتىپتى جانە جول قاۋىپسىزدىگىن قورعاۋدى قامتاماسىز ەتۋ ماقساتىندا پوليتسيانىڭ پاترۋلدىك ناريادتارى كەش وتكىزىلەتىن ورىندارعا بارىنشا جاقىن ورنالاستىرىلدى، سونداي-اق جەدەل باسقارۋ ورتالىقتارىنىڭ بەينەباقىلاۋ كامەرالارى ىسكە قوسىلدى.

جالپى اتالعان ءىس-شارالارعا 7 مىڭنان استام پوليتسيا قىزمەتكەرى جۇمىلدىرىلدى.

- اتا-انالاردان جانە تۇلەكتەردىڭ وزدەرىنەن قوعامدىق ءتارتىپتى بۇزباۋدى، جول ءجۇرىسى قاعيدالارىن ساقتاۋدى، سۋ قويماسىندا قاۋىپسىزدىك شارالارىن قابىلداۋدى وتىنەمىز. تاربيەشىلەر، اتا- انالار جانە كامەلەتكە تولماعانداردىڭ باسقا دا زاڭدى وكىلدەرى ءىس-شارا اياقتالعانعا دەيىن تۇلەكتەرگە تۇراقتى باقىلاۋدى قامتاماسىز ەتۋى كەرەك. قۇرمەتتى تۇلەكتەر مەن ولاردىڭ اتا-انالارى، بۇل مەرەكە ءسىز ءۇشىن تەك جاعىمدى جاعىنان ەستە قالۋى كەرەك. ءوزىڭىزدى جانە جاقىندارىڭىزدى ساقتاڭىز، - دەدى ءى ءى م ا پ ك باسقارما باستىعى اسەت وسپانوۆ.


سوڭعى جاڭالىقتار