گرەممي سىيلىعىنىڭ يەگەرى يمانبەك اتوم ستانسياسىنىڭ دىبىسىمەن جاڭا ترەك شىعاردى - فوتو
DJ Imanbek-تىڭ «AtomSound» دەرەكتى كينوجوباسى مەن ترەگىنىڭ پرەمەراسى بيىلعى 17-ماۋسىم كۇنى سانكت-پەتەربۋرگ حالىقارالىق ەكونوميكالىق فورۋمى (س ح ە ف-2023) اياسىندا ءوتتى.
جوبا لەنينگراد اتوم ەلەكتر ستانسياسىندا تۇسىرىلگەن.
«AtomSound» جوباسى - بۇل الەمدە تەڭدەسى جوق «اتوم دىبىسى» مەن مۋزىكالىق اسپاپتاردى ارالاستىرۋ تاجىريبەسى، سونداي-اق ينجەنەريانى، يادرولىق فيزيكا نەگىزدەرىن جانە مۋزىكانى ورگانيكالىق تۇردە بىرىكتىرگەن دىبىستار فيزيكاسىنا ارنالعان دەرەكتى فيلم. ونىڭ باستى كەيىپكەرى - DJ Imanbek. ءتۇسىرىلىم جۇمىس ىستەپ تۇرعان اتوم ستانسياسىندا ءوتتى. سونداي-اق DJ imanbek-تىڭ بىرەگەي ترەگى فيلمنىڭ فينالىندا ورىندالادى.
باسپا ءسوز ءماسليحاتى بارىسىندا قاتىسۋشىلار «اتومدىق دىبىستاردىڭ» - سەمپلداردىڭ ۇنەمى تولىقتىرىلىپ وتىراتىن كىتاپحاناسىن قۇرۋ جانە ونى قوعامدىق پايدالانۋعا بەرۋ جوسپارى تۋرالى ايتتى. جوبانىڭ كەلەسى كەزەڭى - ءوز ترەكتەرىن جاساۋ كەزىندە وسى سەمپلداردى پايدالاناتىن مۋزىكانتتار ءۇشىن ۇلكەن بايقاۋ ۇيىمداستىرۋ. جەڭىمپازداردى قۇرامىنا DJ Imanbek كىرەتىن قازىلار القاسى تاڭدايدى.
DJ Imanbek AtomSound جوباسىندا جۇمىس ىستەۋ پروتسەستى ۇيىمداستىرۋ تۇرعىسىنان ەڭ قىزىقتى جوبا بولعانىن اتاپ ءوتتى.
«ماعان بىردە مىناداي وي كەلدى: دىبىس - بۇل اتومدار تەربەلىسى. جانە دىبىستىڭ تابيعاتىن زەرتتەۋگە قىزىعۋشىلىعىم وياندى. فيلمنىڭ تۇجىرىمداماسىن جاساپ بولعاننان كەيىن روساتومعا حات جازدىم. ءبىراق بۇل يدەيانى تەز جۇزەگە اسىرۋعا بولاتىنىنا سەنىم از ەدى. جاۋاپ كەلەسى كۇنى-اق كەلدى: بىزگە لەنينگراد ستانسياسىندا ءتۇسىرىلىم جاساۋ ۇسىنىلدى»، - دەپ ءبولىستى مۋزىكانت.
جوبانى ىسكە اسىرۋ كەزىندە تۋىنداعان قيىندىقتاردى تالقىلاۋ بارىسىندا «روساتوم» مەملەكەتتىك كورپوراتسياسى كوممۋنيكاتسيالار دەپارتامەنتى ديرەكتورىنىڭ مىندەتىن اتقارۋشى اندرەي تيمونوۆ اتوم ەلەكتر ستانسيالارى مەن يادرولىق تەحنولوگيالارعا بۇگىنگى قوعامنىڭ ساقتىقپەن قارايتىندىعىن ايتا كەتتى. جانە بۇل تاقىرىپتاعى كوپتەگەن شابلوندار مادەني ونىمدەر ارقىلى بەرىلەدى: كينو، مۋزىكا، كومپيۋتەرلىك ويىندار. سونىمەن قاتار مەملەكەتتىك كورپوراتسيالار كونسەرۆاتيۆتى بيۋروكراتيالىق ماشينالار دەپ سانالادى.
ايتا كەتەيىك، يمانبەك زەيكەنوۆ - قازاقستاندىق ديدجەي جانە مۋزىكالىق پروديۋسەر. پاۆلودار وبلىسى اقسۋ قالاسىندا تۇرادى. ول 2019 -جىلى Saint Jhn Roses انىنە ارنالعان رەميكسىمەن الەمگە تانىلىپ، «گرەممي-2021» مۋزىكالىق سىيلىعىن جەڭىپ الدى. وسىلايشا اتالعان سىيلىققا يە بولعان العاشقى قازاقستاندىق اتاندى. سونداي-اق كلاسسيكالىق ەمەس مۋزىكا جانرىندا ت م د اۋماعىندا «گرەممي» العان تۇڭعىش مۋزىكانت. اتوم دىبىسىنان جاڭا ترەك جازىپ جاتقانى تۋرالى ي. زەيكەنوۆ 2021 -جىلى جازعان بولاتىن.
لەنينگراد اتوم ەلەكتر ستانسياسى - بەلگىلەنگەن قۋاتى 4400 م ۆ ت بولاتىن رەسەيدەگى ەڭ ءىرى اتوم ستانسيالارىنىڭ ءبىرى.
