قازاقستاندىقتار نان مەن جارما ونىمدەرىن از تۇتىنا باستادى
ۇلتتىق ستاتيستيكا بيۋروسىنىڭ مالىمەتىنشە، كەلەسى ونىمدەردى تۇتىنۋ كورسەتكىشى وسكەن: جۇمىرتقا - 6,6 پايىزعا، جەمىستەر - 2,8 پايىزعا، قانت پەن كونديتەرلىك ونىمدەر - 2,6 پايىزعا.
بۇدان بۇرىنعى كەزەڭدەردەگىدەي، ءۇي شارۋاشىلىقتارىنىڭ تۇتىنۋ شىعىستارىندا ازىق-تۇلىك ساتىپ الۋعا جۇمسالاتىن شىعىستاردىڭ ەڭ كوپ ۇلەسى ەت جانە ەت ونىمدەرىنە (16,8 پايىز)، نان ونىمدەرى مەن جارما ونىمدەرىنە (7,9 پايىز) تيەسىلى.
ەسەپتى كەزەڭدە ەت پەن ەت ونىمدەرىن تۇتىنۋدىڭ ەڭ جوعارى دەڭگەيى ماڭعىستاۋ وبلىسىندا - 22,9 كەلى (جان باسىنا شاققاندا توقسانىنا)، ەڭ تومەنى شىمكەنت قالاسىندا، جان باسىنا - 15 كەلى.
ايتا كەتەيىك، حالىقتىڭ بيۋجەتىن ءومىر ءسۇرۋ دەڭگەيى بويىنشا تەكسەرۋ (ازىق-تۇلىك تۇتىنۋىن قوسا العاندا) توقسان سايىن جانە جىلدىق نەگىزدە 12000 ءۇي شارۋاشىلىعىن زەرتتەۋ بازاسىندا قالىپتاستىرىلادى.
