پەتروپاۆلدا ماسساج سالونىنىڭ يەسى ءبىر بولمەنى جەزوكشەلىكپەن اينالىسۋعا بەرگەن

None
پەتروپاۆل. قازاقپارات - پەتروپاۆلدا «ستوپ ترافيك» جەدەل- پروفيلاكتيكالىق ءىس- شاراسى ءوتتى. اكسيا اياسىندا جەڭگەتايلىقتىڭ ەكى دەرەگى جانە ءبىر جىنىستىق قاناۋ فاكتىسى انىقتالدى، دەپ حابارلايدى قازاقپارات ءتىلشىسى.

سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، پەتروپاۆلداعى ماسساج سالوندارىنىڭ ءبىرىنىڭ يەسى جەزوكشەلىكپەن اينالىسۋعا بولمە بەرگەن. وسى دەرەك بويىنشا اكىمشىلىك ماتەريال جينالدى. زاڭ بۇزۋشى ەندى 150 ا ە ك مولشەرىندە ايىپپۇل تولەۋى مۇمكىن.

بۇل دەرەك «ستوپ ترافيك» جەدەل- پروفيلاكتيكالىق ءىس- شاراسى اياسىندا انىقتالدى. اكسيا ءۇش كۇن بويى ءوتتى.

س ق و پ د ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ادام ساۋداسىمەن بايلانىستى قىلمىستىڭ الدىن الۋ ءۇشىن حالىقتى اقپاراتتاندىرۋ جۇمىسىن كۇشەيتتى. پەتروپاۆلداعى قازاقستان كونستيتۋتسياسى كوشەسىندە ءتارتىپ ساقشىلارى ەرىكتىلەرمەن بىرلەسىپ اقپاراتتىق پاراقشالار تاراتتى، قازاقستان حالقى اسسامبلەياسى فيليالىندا كوللەدج وقۋشىلارىنا جانە جاستارمەن جۇمىس ىستەيتىن ادامدارعا دارىستەر وقىدى.

«ادام ساۋداسى» كوپتەگەن قىلمىسپەن بايلانىستى. ادامدار وزدەرىن جانە جاقىندارىن قورعاۋدىڭ قاراپايىم تاسىلدەرىن ءبىلۋى قاجەت. بىرىنشىدەن - مول جانە تەز تابىسپەن بايلانىستى ۇسىنىستارعا سەنبەۋ، اسىرەسە شەتەلدە، ەگەر جۇمىسقا قابىلداۋ رەسمي جاعدايدا جۇرگىزىلمەسە جانە سىزدەن قۇجاتتاردى بەرۋدى تالاپ ەتسە، ءۇزىلدى- كەسىلدى باس تارتقان دۇرىس.

جالپى «ستوپ ترافيك» جەدەل- پروفيلاكتيكالىق ءىس- شاراسى اياسىندا جەدەل جۇمىستار دا جۇرگىزىلدى. ناتيجەسىندە جەڭگەتايلىقتىڭ ەكى دەرەگى بويىنشا جانە ءبىر جىنىستىق قاناۋ فاكتىسى بويىنشا قىلمىستىق ءىس قوزعالدى» ، - دەيدى س ق و پ د ۇيىمداسقىن قىلمىسقا قارسى كۇرەس باسقارماسىنىڭ باستىعى جاندوس باسىبايەۆ.


سوڭعى جاڭالىقتار