شتاينمايەر قازاقستاندىقتاردىڭ گەرمانياعا ۆيزاسىز كىرىپ- شىعۋ ماسەلەسىنە پىكىر ءبىلدىردى

استانا. قازاقپارات - گەرمانيا پرەزيدەنتى فرانك- ۆالتەر شتاينمايەر قازاقستان ازاماتتارى ءۇشىن ۆيزا تالاپتارىن جەڭىلدەتۋ ماسەلەسىنە پىكىر ءبىلدىردى، دەپ حابارلايدى قازاقپارات.

«بۇل وتە ماڭىزدى اسپەكت. قازاقستان ازاماتتارىنىڭ گەرمانياعا كەلۋىن جانە گەرمانيا ازاماتتارىنىڭ قازاقستانعا كەلۋىن اناعۇرلىم جەڭىلدەتەتىن مۇمكىندىكتەردى قاراستىرۋعا ءبىز دە مۇددەلىمىز. وزىڭىزگە ءمالىم، ۆيزا ماسەلەسى ەۋروپالىق وداق دەڭگەيىندە، ەۋروپالىق ۆەدومستۆولار دەڭگەيىندە قاراستىرىلادى. سوندىقتان ءبىز بۇل ماسەلە بويىنشا ە و ۇستانىمىن قۇپتايمىز» ، - دەپ اتاپ ءوتتى گەرمانيا پرەزيدەنتى.