باسپا ءسوز كارتاسى نە ءۇشىن كەرەك - مينيسترلىك جاۋابى

None
استانا. قازاقپارات - اقپارات جانە قوعامدىق دامۋ ۆيتسە- ءمينيسترى قانات ىسقاقوۆ «ماسس- مەديا» تۋرالى جاڭا زاڭ جوباسى اياسىندا ەنگىزىلەتىن باسپا ءسوز كارتاسى (پرەسس- كارتا) ەنگىزۋدىڭ سەبەبىن ءتۇسىندىرىپ بەردى، دەپ حابارلايدى قازاقپارات ءتىلشىسى.

«زاڭ جوباسىنداعى جاڭاشىلدىقتاردىڭ ءبىرى - باسپا ءسوز كارتاسى (پرەسس- كارتا) ەنگىزۋ. بۇل بويىنشا قارسىلىق، تۇسىنىسپەۋشىلىك تۋىندادى، مۇمكىن ءتۇسىندىرۋ جۇمىستارى ازدىق ەتكەن شىعار. باسپاءسوز كارتاسىن ەنگىزۋ جۋرناليستەردىڭ اقپارات الۋىنا جانە تاراتۋىنا ەشقانداي كەدەرگى كەلتىرمەيدى. كەرىسىنشە، كارتا - ب ا ق وكىلدەرىنىڭ جۇمىسىن ىنتالاندىرىپ، وڭتايلاندىرۋعا باعىتتالعان قۇجات»، - دەدى قانات ىسقاقوۆ ماجىلىستە «ماسس- مەديا» تۋرالى زاڭ جوباسىن تالقىلاۋ بارىسىندا.

ۆيتسە- ءمينيستردىڭ مالىمدەۋىنشە، باسپا ءسوز كارتاسىن الماعان ب ا ق وكىلى جۇمىسىن جالعاستىرا بەرەدى.

«باسپاءسوز كارتاسىن الۋ مىندەتتى ەمەس. ول تىلشىلەردىڭ جۇمىسىن شەكتەمەيدى، تىيىم سالمايدى. كارتا ەنگىزۋ - باق وكىلدەرىن اككرەديتتەۋ، ولاردىڭ ءىس- شارالارعا قاتىسۋى، مەملەكەتتىك ورگانداردىڭ عيماراتىنا كىرۋ پروتسەسىن جەڭىلدەتەتىن قۇجات. تاعى ءبىر جايت، باسپا ءسوز كارتاسىن ءبىزدىڭ مينيسترلىك بەرمەيدى، ونى ۇكىمەتتىك ەمەس ۇيىم بەرەدى»، - دەيدى ول.

ايتا كەتەيىك، بيىل ەلىمىزدە جۋرناليستەردىڭ قۇقىعى مەن بوستاندىعى تۋرالى ۇلتتىق بايانداما ازىرلەنبەك.

بۇعان دەيىن ب ا ق جانە تىلشىلەردى سوتقا بەرۋ مەرزىمى 3 جىلعا دەيىن قىسقاراتىنى تۋرالى حابارلاعان ەدىك.


سوڭعى جاڭالىقتار