ۇلكەن الماتى اينالما جولىندا اۆتوكولىكتەر سوقتىعىسىپ، ەكى ادام مەرت بولدى

قونايەۆ. قازاقپارات - ۇلكەن الماتى اينالما جولىندا اۆتوكولىكتەر سوقتىعىسىپ، ەكى ادام مەرت بولدى، دەپ حابارلايدى قازاقپارات ءتىلشىسى.

«18-ماۋسىم ساعات 10:00 شاماسىندا KIA اۆتوكولىگىنىڭ 1994 -جىلعى جۇرگىزۋشىسى «الماتى- كوكپەك- كوكتال» اۆتوجولىنىڭ 21-شاقىرىمىندا ءجۇرىپ كەلە جاتىپ، رۋلدى باسقارا الماي، ۇلكەن الماتى اينالما جولىنا اپاراتىن جولعا شىققان. وسىدان كەيىن ول 1972 -جىلعى جاياۋ جۇرگىنشىنى قاعىپ، «زيل» سۋارمالى جۇك كولىگىمەن سوقتىعىسقان. اپات سالدارىنان جاياۋ جۇرگىنشى، سونداي- اق KIA اۆتوكولىگىنىڭ جولاۋشىسى 1981 -جىلعى ازامات وقيعا ورنىندا قايتىس بولدى. سونىمەن قاتار، جۇرگىزۋشى دە كوپتەگەن دەنە جاراقاتىمەن اۋرۋحاناعا جەتكىزىلىپ، ەسىن جيماستان كوز جۇمدى»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.

ۆەدومستۆونىڭ اقپاراتىنا سايكەس، اتالعان اۆتوكولىكتىڭ تاعى ءبىر جولاۋشىسى دەنە جاراقاتىمەن الماتى قالاسىنداعى اۋرۋحاناعا جاتقىزىلعان.

دەرەك ق ر ق ك 345-بابىنىڭ 4-بولىگى بويىنشا تالعار اۋدانى پويتسياسىندا تىركەلدى.

قازىرگى ۋاقىتتا وسى جول- كولىك وقيعاسىنىڭ بارلىق ءمان- جايىن وبەكتيۆتى زەرتتەۋگە باعىتتالعان ساراپتاما جانە تەرگەۋ ءجۇرىپ جاتىر.