ورىسشا بىلمەگەن سوڭ مۋزىكالىق ۋچيليشەدەگى وقۋىمدى تاستاپ كەتتىم - ۇلىقپان جولداسوۆ

None
استانا. قازاقپارات - Jibek Joly تەلەارناسىنىڭ «تورلەتىڭىز» باعدارلاماسىندا قوناقتا بولعان بەلگىلى ءانشى، كومپوزيتور ۇلىقپان جولداسوۆ مۋزىكالىق ۋچيليشەدەن نەلىكتەن شىعىپ كەتكەنىن ايتتى، دەپ حابارلايدى قازاقپارات ءتىلشىسى.

حابار بارىسىندا تانىمال ءانشى جەڭىس سەيدوللا ۇلى ۇلىقپان جولداسوۆپەن تانىستىعى قالاي باستالعانىن ايتا كەلە، قىزىق وقيعانى تىلگە تيەك ەتتى.

«وسى ورايدا ەشكىم ەستىمەگەن ءبىر وقيعانى ايتىپ بەرەيىن. 1980- جىلدارى شىمكەنت مۋزىكا ۋچيليشەسىندە وقىپ ءجۇردىم. كەيىن وسى وقۋ ورنىنا ۇلىقپان ءتۇستى. ەندى ءبىر 6 ايدان كەيىن قاراسام، ۇلىقپان جوق. سوسىن بالالاردان «ۇلىقپان قايدا؟» دەپ سۇرايمىن. «ول كەتىپ قالعان، ۋچيليشەدە جوق» دەدى. ارادا جىلدار ءوتىپ، كەيىن ۇلىقپانمەن ءبىر كەزدەسكەندە «سەن وسى نەگە وقۋدان كەتىپ قالدىڭ؟» دەپ سۇرادىم. ول «شىنىمدى ايتسام، ورىسشا ۇيرەنە الماي قويدىم» دەيدى»، - دەپ سول جىلدارداعى قىزىقتى وقيعانى ەسىنە الدى ءانشى، كومپوزيتور جەڭىس سەيدوللا ۇلى.

ستۋديادا قوناقتا بولعان ۇلىقپان جولداسوۆتىڭ ءوزى دە مۇنداي وقيعانىڭ بولعانىن راستادى.

«ورىسشا بىلمەي، وقۋ ورنىن تاستاپ كەتكەنىم راس»، - دەدى ۇلىقپان جولداسوۆ.

جالپى، باعدارلاما وتاندىق بەلگىلى كومپوزيتورلاردىڭ شىعارماشىلىعىنا ارنالدى.

ونەر يەلەرى قازاق مۋزىكاسىن الەمدىك دەڭگەيگە كوتەرۋ توڭىرەگىندەگى ويلارىن ورتاعا سالىپ، پىكىر ءبىلدىردى.

اۆتور:

ءاليحان اسقار


سوڭعى جاڭالىقتار