قىتايدان ۆەلوسيپەدپەن شىققان قانداستار استاناعا جەتتى

استانا. قازاقپارات - ارمان قۋىپ، اتاجۇرتقا اتتانۋ. قىتايدان ۆەلوسيپەدپەن شىققان دۋمان مادەتحان ۇلى مەن ورازاي التىنبەك ۇلى ەسىمدى قوس قانداس استاناعا كەلىپ جەتتى. ساياحاتشىلاردىڭ ۆەلوساياحاتى ءساۋىر ايىندا باستالعان.

قوس قانداس ءۇش مىڭ شاقىرىمدى ارتقا تاستاپ كەلدى. ۆەلوجورىقتىڭ ماقساتى بالا كۇنگى ارماندارىن ىسكە اسىرا وتىرىپ، ەكى ەل اراسىنداعى دوستىقتى نىعايتۋ.

مۇنداي ۆەلومارافوندى ولار ءۇش جىل بۇرىن جوسپارلاعان ەدى، ءبىراق پاندەمياعا بايلانىستى كەيىنگە قالعان. ەلورداعا جەتكەن ازاماتتار اتاجۇرتتىڭ تابيعاتى، حالقى مەن ەلدىڭ جالپى دامۋ قارقىنىن كورىپ، تەبىرەنىستەرىن جاسىرا المادى.

دۋمان مادەتحان ۇلى، ۆەلوساياحاتشى:

- تەبىرەنىپ، نە دەرىمدى ۇقپاي تۇرمىن. تابيعاتى بولسىن، وسى جەردەگى قانداستارىمىز بولسىن، ءبارى باۋىرمال. قازاققا ءتان مەيىرباندىلىق، باۋىرمالدىلىق بار ەكەنىنە انىق كوزىم جەتتى.

www.24.kz