راحمەت، پاپا: ديماش قۇدايبەرگەن اتاسى جايلى ەموتسيونالدى پوست جاريالادى
«راحمەت، پاپا… ماعان بەرگەن قاناتتارىڭ ءۇشىن، ماعان كوككە قالاي كوتەرىلىپ، كوكجيەگىمدى كەڭەيتۋدى ۇيرەتكەنىڭ ءۇشىن، 100 مەكتەپ بەرە المايتىن رۋحاني ءتالىمىڭ ءۇشىن… ساعان دەگەن العىسىمدى سوزبەن جەتكىزە الماسپىن. ايتقاندارىمنان ايتىپ ۇلگەرمەگەنىم كوپ. قوش بول، اكەتاي! ماڭگى جۇرەكتەسىڭ! جانىڭ جۇماقتان ورىن تاپسىن. سەنىڭ كەنجەتايىڭ… كوڭىل ايتىپ جاتقان بارلىق اعايىنعا اللا رازى بولسىن! وتباسىلارىڭىزدا قايعى-مۇڭ بولماسىن…»، - دەپ جازدى ديماش.
ەسكە سالايىق، ديماش قۇدايبەرگەننىڭ اتاسى - قۇدايبەرگەن ايتباي ۇلى 13- ماۋسىم كۇنى 82 جاسقا قاراعان شاعىندا دۇنيەدەن وزدى. پرەزيدەنت قاسىم-جومارت توقايەۆ قازاعا بايلانىستى ايتبايەۆتار اۋلەتىنە كوڭىل ايتۋ جەدەلحاتىن جولدادى.
ق. ايتباي ۇلىنىڭ جانازاسى استانا قالاسىنداعى «ازىرەت سۇلتان» مەشىتىندە شىعارىلىپ، ونى جاقىندارى مەن تۋىستارى اقتىق ساپارعا شىعارىپ سالدى.
