مينيسترلىك جانىنان جەرگە زەرتتەۋ جۇرگىزەتىن مەملەكەتتىك ينستيتۋت قۇرىلماق
بۇل تۋرالى اشىق ن ق ا پورتالىندا جاريالانعان ۇكىمەت قاۋلىسىنىڭ جوباسىندا جازىلعان، دەپ حابارلايدى قازاقپارات ءتىلشىسى.
«اۋىل شارۋاشىلىعى مينيسترلىگى جەر رەسۋرستارىن باسقارۋ كوميتەتىنىڭ «جەرلەرگە زەرتتەپ - قاراۋ جۇمىستارىن جۇرگىزۋ جونىندەگى مەملەكەتتىك ينستيتۋت» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى قۇرىلسىن. كاسىپورىننىڭ مىندەتى - جەردى ەكونوميكالىق باعالاۋ، وعان مونيتورينگ جۇرگىزۋ، توپىراقتى زەرتتەۋ، گەوبوتانيكالىق، اگروحيميالىق زەرتتەۋلەردى جانە توپىراقتى باعالاۋدى جۇرگىزۋدى قامتيتىن جەرلەردىڭ ساپاسىن ەسەپكە الۋ»، - دەپ جازىلعان ۇكىمەت قاۋلىسىنىڭ جوباسىندا.
سونىمەن قاتار، ءتيىستى قاۋلىمەن اۋىل شارۋاشىلىعى مينيسترلىگىنە تىكەلەي باعىناتىن مىنا قۇرىلىمدار ەندى جەر رەسۋرستارىن باسقارۋ كوميتەتىنە بەرىلمەك:
- رەسپۋبليكالىق اگروحيميا قىزمەتىنىڭ عىلىمي-ادىستەمەلىك ورتالىعى؛
- ايماقتىق گيدروگەولوگيالىق-مەليوراتسيالىق ورتالىعى؛
- وڭتۇستىك قازاقستان گيدروگەولوگيالىق-مەليوراتسيالىق ەكسپەديتسياسى؛
- قىزىلوردا گيدروگەولوگيالىق-مەليوراتسيالىق ەكسپەديتسياسى.
قاۋلى 1- شىلدەدەن باستاپ كۇشىنە ەنەدى.