اباي وبلىسىنداعى ورتتەن ءبارىمىز ساباق الۋىمىز كەرەك - پرەزيدەنت
«ءسوز باسىندا بىردەن اتاپ وتەيىن، مەنىڭشە، ۇلتتىق قۇرىلتاي بۇل - ارقانى كەڭگە سالىپ وتىراتىن جيىن ەمەس. ءسان-سالتاناتپەن وتكىزەتىن توي دا ەمەس. بابالارىمىز ماڭىزدى شەشىم قابىلدار كەزدە نەمەسە ەلگە قاتەر تونگەن سىن ساعاتتا قۇرىلتاي شاقىرعان. بۇگىنگى قۇرىلتايدىڭ وتىرىسى ەلىمىزدەگى قايعىلى وقيعادان كەيىن ءوتىپ جاتىر»، - دەدى مەملەكەت باسشىسى.
پرەزيدەنت اباي وبلىسىنداعى ورمان ورتىنەن ساباق الۋ كەرەكتىگىنە توقتالدى.
«اباي وبلىسىندا الاپات ءورت شىعىپ، ازاماتتارىمىز قازا تاپتى. تاعى دا قايتالاپ ايتقىم كەلەدى: ءبىز مۇنداي وقيعادان ساباق الۋىمىز كەرەك، ناقتى شەشىمدەر قابىلداۋىمىز قاجەت. ەل باسىنا تۇسكەن قيىندىقتار، ەڭ الدىمەن، ءبىزدىڭ بەرەكە- بىرلىگىمىزدى سىنعا سالادى. وسىنداي كۇردەلى ساتتەر، ەڭ باستىسى - شىنايى جاناشىرلىق جانە تەرەڭ جاۋاپكەرشىلىك تانىتۋ قاجەت ەكەنىن ايقىن كورسەتەدى. مۇنى وزدەرىڭىز وتە جاقسى ءتۇسىنىپ وتىرسىزدار»، - دەدى قاسىم- جومارت توقايەۆ.
ايتا كەتەيىك، تۇركىستاندا ءوتىپ جاتقان ۇلتتىق قۇرىلتايدىڭ ەكىنشى وتىرىسىنا مەملەكەت باسشىسى قاسىم-جومارت توقايەۆ قاتىسۋدا.
قۇرىلتاي جۇمىس سەكتسيالارىنىڭ وتىرىسى كەشە باستالىپ كەتكەن ەدى.
ۇلتتىق قۇرىلتايدىڭ العاشقى وتىرىسى بىلتىر 16- ماۋسىمدا ۇلىتاۋ وبلىسىندا وتكەن بولاتىن.
سول كەزدە پرەمزيدەنت كەلەسى باسقوسۋدى كيەلى تۇركىستاندا وتكىزۋدى ۇسىنعان.