تۇركىستاندا مەملەكەت باسشىسىنىڭ قاتىسۋىمەن ۇلتتىق قۇرىلتاي باستالدى

تۇركىستان. قازاقپارات - تۇركىستاندا پرەزيدەنتتىڭ قاتىسۋىمەن ۇلتتىق قۇرىلتاي باستالدى، دەپ حابارلايدى قازاقپارات ءتىلشىسى.

پرەزيدەنت جانىنان قۇرىلعان ۇلتتىق قۇرىلتايدىڭ ەكىنشى وتىرىسى تۇركى حالىقتارىنىڭ تۇپكى ءتورى تۇركىستان قالاسىندا ءوتىپ جاتىر.

القالى جيىنعا قوعام قايراتكەرلەرى، پارلامەنت دەپۋتاتتارى، قوعامدىق كەڭەس مۇشەلەرى، ب ا ق باسشىلارى جانە ساراپشىلار قاتىسىپ جاتىر.

ايتا كەتەيىك، كەشەگى كۇنى ۇلتتىق قۇرىلتايدىڭ ەكىنشى وتىرىسى اياسىندا جۇمىس سەكتسيالارىنىڭ وتىرىسى وتكەن بولاتىن. وندا «قوعامدىق كونسوليداتسيا»، «مادەنيەت. ونەر. رۋحانيات»، «ءبىلىم جانە عىلىم» جۇمىس سەكتسياسىنا بولىنگەن سالا ماماندارى ەل ىشىندەگى ماسەلەلەردى كوتەرىپ، شەشۋ جولدارىن ۇسىندى.

جۇمىس سەكتسياسى وتىرىستارىنىڭ قورىتىندىسى بويىنشا، ۇلتتىق قۇرىلتاي مۇشەلەرىنىڭ ۇسىنىسىن مەملەكەتتىك ورگاندارمەن بىرلەسىپ ىسكە اسىرۋ جونىندەگى ءىس- شارالاردىڭ ارنايى جوسپارى ازىرلەنەتىن بولادى.

ەسكە سالايىق، ۇلتتىق قۇرىلتايدىڭ العاشقى وتىرىسى بىلتىر 16- ماۋسىمدا ۇلىتاۋ وبلىسىندا وتكەن بولاتىن. القالى جيىندا ءسوز سويلەگەن مەملەكەت باسشىسى كەلەسى باسقوسۋدى كيەلى تۇركىستاندا وتكىزۋدى ۇسىنعان ەدى.

بۇگىن ق. توقايەۆ تۇركىستانعا جۇمىس ساپارىمەن ۇشىپ باردى.