دانيال احمەتوۆ شىعىس قازاقستان حالقىمەن قوشتاستى

None
وسكەمەن. قازاقپارات - شىعىس قازاقستان وبلىسىن توعىز جىل باسقارعان دانيال احمەتوۆ ءوڭىر حالقىمەن قوشتاستى، دەپ حابارلايدى قازاقپارات ءتىلشىسى.

- قۇرمەتتى جەرلەستەر! بىرنەشە جىل بويى ءبىز شىعىس قازاقستان وبلىسىنىڭ جوسپارلى جانە سەرپىندى الەۋمەتتىك - ەكونوميكالىق دامۋى، تۇرعىنداردىڭ ءومىر ءسۇرۋ ساپاسىن ارتتىرۋ سياقتى ورتاق ماقسات-مۇددەنى كوزدەپ، بىرگە ەتەنە جۇمىس ىستەدىك. سىزدەرمەن جۇمىس ىستەۋ مەن ءۇشىن ۇلكەن مارتەبە بولدى. پرەزيدەنتىمىز قاسىم-جومارت توقايەۆ ايقىنداعان مەملەكەتتىك ساياساتتى ءتيىمدى ىسكە اسىرۋداعى كوماندامنىڭ ءبىر بولىگى بولعاندارىڭىزعا قۋانىشتىمىن. ءبىز بىرگە كوپ نارسەگە قول جەتكىزدىك، - دەپ جازدى ول الەۋمەتتىك جەلىدەگى پاراقشاسىندا.

ءوز سوزىندە ول شىعىس قازاقستاندىقتارعا باعا جەتپەس ەڭبەكتەرى مەن كۇش-جىگەرى ءۇشىن العىس ايتتى.

- سىزدەر شىعىس قازاقستان وبلىسى مەن جالپى رەسپۋبليكانىڭ وركەندەۋى ءۇشىن تابىستى جۇمىستى جالعاستىرۋعا ىقپال ەتەتىندەرىڭىزگە سەنىمدىمىن. الداعى ۋاقىتتا دا ءوڭىر تۇرعىندارىنىڭ يگىلىگى ءۇشىن تىڭ جوبالار مەن يدەيالاردىڭ ىسكە اسىرىلۋىنا شىن جۇرەكتەن تىلەكتەسپىن!، - دەدى د. احمەتوۆ.

ەسكە سالساق، بۇگىن پرەزيدەنت جارلىعىمەن دانيال احمەتوۆ ش ق و اكىمى لاۋازىمىنان بوساتىلعان ەدى.

ونىڭ ورنىنا ءوڭىردى ەرمەك كوشەربايەۆ باسقاردى.

دانيال احمەتوۆتىڭ ش ق و اكىمى بولعاندا نەسىمەن ەستە قالعانى تۋرالى دا جازعان بولاتىنبىز.

سوڭعى جاڭالىقتار