قازاقستانداعى اۆتوكولىكتەردىڭ قانشا پايىزى قوستاناي وبلىسىندا جاسالادى
بۇل تۋرالى قوستاناي وبلىسىنىڭ اكىمى قۇمار اقساقالوۆ ايتتى، دەپ حابارلايدى قازاقپارات ءتىلشىسى.
«ماشينا جاساۋدا شىعارىلاتىن جەڭىل اۆتوموبيلدەر مودەلدەرىنىڭ جەلىسى كەڭەيتىلىپ كەلەدى. رەسپۋبليكادا وندىرىلگەن بارلىق اۆتوكولىكتىڭ 61 پروتسەنتى قوستاناي وبلىسىندا قۇراستىرىلعان. جىل باسىنان بەرى 35 مىڭنان استام اۆتوموبيل قۇراستىرىلدى، ونىڭ ىشىندە ەكسپورتقا جىبەرىلگەنى - 7,1 مىڭ كولىك»، - دەدى ق. اقساقالوۆ ەلوردادا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، ماشينا جاساۋ سالاسىندا جاڭا جوبالار دا ىسكە اسىرىلىپ كەلەدى.
«مىسالى، «سارىارقااۆتوپروم» ج ش س قۋاتتىلىعى جىلىنا 30 مىڭ كولىك بولاتىن، قۇنى 23,4 ميلليارد تەڭگەگە جەتەتىن «Chevrolet Onix» اۆتوموبيلدەرىن شاعىن توراپتىق ءوندىرۋ جوباسى بويىنشا بەلسەندى جۇمىس ىستەۋدە. ول 400 جۇمىس ورنىن قۇرۋعا مۇمكىندىك بەرەدى»، - دەدى ءوڭىر اكىمى.
سونىمەن بىرگە، وبلىستاعى يندۋستريالدى ايماقتا تراكتور كابينالارىن شىعاراتىن زاۋىت ىسكە قوسىلادى. وعان قوسا، ارنايى شىنجىر تاباندى تەحنيكا شىعاراتىن زاۋىت قۇرىلىسىن باستاۋ جوسپارلانعان.
