پاۆلودار وبلىسىندا ورمان ورتتەرى كوبەيگەن
«ءورت شالعان اۋماقتىڭ كولەمى - 878,6 گەكتار، ال ورماندى جەرلەردىڭ اۋماعى - 252,7 گەكتار. ونىڭ 15 جاعدايىندا ءورت دالا ورتىنەن كەلگەن ەدى. سونداي-اق، نايزاعاي رازريادىنان، وتتى ابايسىز قولدانۋ سەبەپتەرىنەن ءورت شىققان جاعدايلار دا بار»، - دەدى وڭىرلىك كوممۋنيكاتسيالار قىزمەتىندە وتكەن باسپا ءسوز كونفەرەنتسياسىندا وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باسشىسى رۋسلان تولەپبايەۆ.
ايتۋىنشا، بىلتىرعى جىلمەن سالىستىرعاندا ءورت جاعدايى 10 پايىزعا ارتىق. جىل سايىن كوكتەم مەزگىلىندە ت ج د مەن ورمان شارۋاشىلىعى ينسپەكتسياسى بىرلەسىپ، تابيعاتتى قورعاۋ مەكەمەلەرىنىڭ ءورت قاۋىپتى ماۋسىمىنا دايىندىعىن تەكسەرەدى.
«بيىلعى تەكسەرۋدىڭ ناتيجەسى بويىنشا قاناعاتتانارلىق جاعدايدا دەگەن باعا بەرىلگەن بولاتىن. ورمان شارۋاشىلىعى مەكەمەلەرىندە ماتەريالدىق-تەحنيكالىق جابدىقتاۋدىڭ دەڭگەيى %60-75 اسپايدى. قولدانىستاعى ءورت ءسوندىرۋ ماشينالارىنىڭ توزىعى جەتكەن، %30 قولدانىستان شىعارۋ كەرەك. ول ءۇشىن جىل سايىن قاراجات قۇيىپ، ماتەريالدىق تەحنيكالىق جاعدايدى كۇشەيتۋ قاجەت»، - دەيدى رۋسلان تولەپبايەۆ.
سپيكەردىڭ ايتۋىنشا، ورمان قورعاۋ مەكەمەلەرىندە 43 ءورت ءسوندىرۋ ماشينا، 59 تراكتور، 29 شاعىن ورمان پاترۋلدىك كەشەنى بار. بىلتىر «ەرتىس ورمانى» رەزەرۆاتىنا 14 تراكتور جانە ءبىر درون ساتىپ الىنعان.
«بيىل قوسىمشا جابدىقتاۋ ءۇشىن 800 ميلليون تەڭگە بولىنگەن بولاتىن. بۇل قاراجاتقا «ەرتىس ورمانى» رەزەرۆاتىنا 5 ءورت ءسوندىرۋ ماشينا، ال ءۇش ورمان قورعاۋ مەكەمەلەرىندە ءۇش تراكتور جانە باياناۋىل اۋدانىنداعى ۇلتتىق تابيعي پاركىنە ەكى تراكتور مەن شاعىن ورمان پاترۋلدىك كەشەن ساتىپ الۋ جوسپارلانىپ وتىر»، - دەدى ول.
سونداي-اق، «ەرتىس ورمانى» مەكەمەسىندەگى ورمانشىلىقتاردا 16 باقىلاۋ بەكەتى بار، قاۋىپتى ءورت ماۋسىمىندا رەزەرۆاتتىڭ قاۋىپتىلىگى جوعارى جەرلەرىندە قوسىمشا 9 ورتكە قارسى بەكەت قويىلدى. ال، باياناۋىل ۇلتتىق تابيعي پاركىندە 12 باقىلاۋ بەكەتى بار.
