اباي وڭىرىندەگى ءورت: الماتى مەن قاراعاندى وبلىستارىنىڭ قۇتقارۋشىلارى ۇيلەرىنە قايتتى
بۇل تۋرالى قازاقپارات ت ج م رەسمي سايتىنا سىلتەمە جاساپ حابارلايدى.
سىرىم ءشارىپحانوۆ ءورت سوندىرۋشىلەرگە كورسەتكەن ەرجۇرەكتىلىك پەن باتىرلىق، جوعارى كاسىبيلىكتەرى ءۇشىن العىس ءبىلدىردى.
تابيعي ءورت ورنىندا ودان ءارى قاراۋىلداۋ جۇمىسىن ەكولوگيا جانە تابيعي رەسۋرستار مينيسترلىگىنىڭ ورمان ءورت ستانسيالارى، ت ج م ءورت ءسوندىرۋ بولىمشەلەرى جانە اۋە كەمەلەرى قامتاماسىز ەتەدى.
ءورت ۋچاسكەلەرىندە اشىق جانۋ جوق جانە ەلدى مەكەندەرگە قاۋىپ جوق.
ءورت باستالعالى بەرى 2636 رەت (كولەمى - 7747 توننا) سۋ توگىلگەن. تولىق سوندىرىلگەنگە دەيىن وقشاۋلانعان ءورت وشاقتارىنا تۇراقتى تۇردە سۋ توگۋ، سونداي- اق جيەكتەرىن توپىراقپەن جابۋ جۇمىستارى جۇزەگە اسىرىلادى.
ەستەرىڭىزگە سالا كەتەيىك، اباي وبلىسىنداعى «سەمەي ورمانى» تابيعي رەزەرۆاتى اۋماعىنداعى تابيعي ءورت وقشاۋلاندى.
توتەنشە جاعدايلار ءبىرىنشى ۆيتسە- ءمينيسترى يبراگيم كۇلشىمبايەۆ ءورتتىڭ الداعى 4-5 كۇندە تولىقتاي ءسوندىرىلۋى مۇمكىن ەكەنىن ايتتى.
