11:58, 16 - ماۋسىم 2023 | GMT +6
ديماش قۇدايبەرگەن اتاسىن اقتىق ساپارعا شىعارىپ سالدى
استانا. قازاقپارات - الەۋمەتتىك جەلىدە ديماش قۇدايبەرگەن مەن ءانشىنىڭ تۋعان- تۋىستارىنىڭ قۇدايبەرگەن ايتبايەۆتى اقتىق ساپارعا شىعارىپ سالعان ءساتى بەينەلەنگەن ۆيدەو تارادى، دەپ حابارلايدى قازاقپارات ءتىلشىسى.
«13- ماۋسىمدا تانىمال قازاقستاندىق ءانشى ديماش قۇدايبەرگەننىڭ اتاسى قۇدايبەرگەن ايتبايەۆ 82 جاسىنا قاراعان شاعىندا دۇنيەدەن ءوتتى. بۇگىن استانا قالاسىنداعى «ازىرەت سۇلتان» مەشىتىندە مارقۇمنىڭ جانازاسى شىعارىلىپ، ونى جاقىندارى مەن تۋىستارى اقتىق ساپارعا شىعارىپ سالدى»، - دەلىنگەن ۆيدەو سيپاتتاماسىندا.
جانازا راسىمىنە باس ءمۇفتي ناۋرىزباي قاجى تاعان ۇلى قاتىسقان.
ايتا كەتەيىك، مەملەكەت باسشىسى تانىمال ءانشى، ونەر قايراتكەرى ديماش قۇدايبەرگەننىڭ اتاسى - قۇدايبەرگەن ايتباي ۇلىنىڭ دۇنيەدەن وتۋىنە بايلانىستى ايتبايەۆتار اۋلەتىنە كوڭىل ايتۋ جەدەلحاتىن جولدادى.
اۆتور:
مارلان جيەمباي
