قارۋلى كۇشتەر ادامداردى كوشەدەن ۇستاپ، اسكەرگە الىپ كەتۋ تۋرالى پىكىر ءبىلدىردى

None
استانا. قازاقپارات - اسكەرگە شاقىرۋدى ۇيىمداستىرۋعا جەرگىلىكتى اتقارۋشى ورگاندار جاۋاپتى، ولار رەيدتىك ءىس- شارالار ۇيىمداستىرادى، دەپ حابارلايدى قازاقپارات ءتىلشىسى.

«ازاماتتاردى كوشەدەن ۇستاپ، اسكەرگە الىپ كەتۋ دەرەكتەرى كوپتەپ تىركەلۋدە. سونداي- اق، دەنساۋلىق جاعدايى اسكەرگە بارۋعا جاراماسا دا الىپ كەتەتىنىن ايتىپ شاعىمدانعاندار بار. بۇل ماسەلەنى قالاي شەشۋشە بولادى؟ جاستاردى اسكەرگە ىنتالاندىرۋ ءۇشىن مينيسترلىك باسقا قانداي شارالار قابىلداپ جاتىر؟»، - دەپ سۇراق قويدى تىلشىلەر ورتالىق كوممۋنيكاتسيالار قىزمەتىندە.

وعان ق ر قارۋلى كۇشتەرىنىڭ باس شتابى ۇيىمداستىرۋ- جۇمىلدىرۋ جۇمىستارى دەپارتامەنتىنىڭ وفيتسەرى، پودپولكوۆنيك رۋسلان تاپاشيەۆ جاۋاپ بەردى.

«نەگىزىندە اسكەرگە شاقىرۋدى ۇيىمداستىرۋعا جەرگىلىكتى اتقارۋشى ورگاندار جاۋاپتى. اسكەرگە شاقىرۋ جىبەرىلگەن، ءبىراق ءوز ەركىمەن پۋنكتتەرگە كەلمەگەن ادامدار بار. سول سەبەپتى جەرگىلىكتى اتقارۋشى ورگاندار تاراپىنان رەيدتىك ءىس- شارالار ۇيىمداستىرىلادى. ول ىزدەستىرۋ جۇمىستارىنا جەرگىلىكتى پوليتسيا قىزمەتكەرلەرى تارتىلادى. سول سەبەپتى مۇندا شاقىرتۋ قاعازدارى بويىنشا اسكەرگە شاقىرۋ پۋنكتتەرىنە كەلمەگەن ازاماتتار ماسەلەسى بولىپ وتىر»، - دەدى ر. تاپاشوۆ.

سونىمەن بىرگە، سپيكەر اسكەرگە شاقىرۋ بويىنشا مەديتسينالىق كوميسسيالار بار ەكەنىن اتاپ ءوتتى.

«بۇل كوميسسيالار وبلىس كولەمىندەگى، رەسپۋبليكالىق ماڭىزى بار قالا كولەمىندەگى دەنساۋلىق ساقتاۋ باسقارمالارىنىڭ باسشىلارى، ورىنباسارلارى تاراپىنان جۇرگىزىلەدى. شىنىمەن دەنساۋلىعىندا اقاۋى بار ازاماتتاردى اسكەرگە شاقىرۋعا جول بەرىلمەيدى. جاستاردى اسكەرگە ىنتالاندىرۋ ءۇشىن تەگىن جوعارى ءبىلىم، نەسيە تولەمىن ۋاقىتشا توقتاتۋ سىندى يگى شارالار قولعا الىنىپ جاتىر»، - دەدى رۋسلان تاپاشوۆ.

اۆتور:

ايجان سەرىكجان قىزى


سوڭعى جاڭالىقتار