ەلوردادا ساداق اتۋدان حالىقارالىق تۋرنير باستالدى

None
استانا. قازاقپارات - استانا قالاسىندا ساداق اتۋدان «Grand Prix Astana» II حالىقارالىق تۋرنير باستالدى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

جارىس Qazaqstan جەڭىل اتلەتيكا كەشەنىندە ءوتىپ جاتىر.

«بيىلعى دوداعا قازاقستاننان وزگە تۇرىكمەنستان، وزبەكستان، تاجىكستان، سۋدان، پاكىستان، قىرعىزستان، رەسەي، كورەي، بەلارۋس ەلدەرىنەن مەرگەندەر قاتىسۋدا. مۇنداي حالىقارالىق سايىستىڭ ەلىمىزدە، ونىڭ ىشىندە ەڭسەلى ەلوردامىزدا ءوتىپ جاتقانى ءبىز ءۇشىن ۇلكەن مارتەبە جانە ۇلكەن جاۋاپكەرشىلىك.

جارىستىڭ ماقساتى - مەرگەندىك داعدىنى جەتىلدىرۋدە تاجىريبە الماسۋ جانە دوستىق قارىم- قاتىناستى نىعايتۋ. بۇگىنگى جارىستا ۇزدىكتىڭ ۇزدىگى جەڭىس تۇعىرىنان كورىنەدى دەپ سەنەمىز»، - دەدى قالالىق سپورت باسقارماسىنىڭ باسشىسى سامات جىلقىبايەۆ.

ايتا كەتەيىك، اتالمىش دوداعا الەمنىڭ 10 ەلىنەن 125 كە جۋىق مەرگەن قاتىسۋدا. ولار بەس كۇن بويى ءارتۇرلى قاشىقتىق، جىلدامدىق جانە ءتۇرلى نىساناعا وق اتۋدان كىل مىقتىنى انىقتايتىن بولادى.

سوڭعى جاڭالىقتار