قازاقستاندا ەكونوميكالىق بەلسەندىلىك دەڭگەيى ارتىپ كەلەدى - ۇلتتىق بانك

None
استانا. قازاقپارات - بيىلعى جىل باسىنان الەمدەگى ەكونوميكالىق بەلسەندىلىك وڭ ءۇردىستى بايقاتتى.

بۇل تۋرالى سەناتتىڭ جالپى وتىرىسىندا ۇلتتىق بانك ءتوراعاسى عالىمجان ءپىرماتوۆ ايتتى، دەپ حابارلايدى قازاقپارات ءتىلشىسى.

«2021 -جىلعى %4,3 سالىستىرعاندا، جالپى ىشكى ءونىم 2022 -جىلى %3,3 ارتتى. وسىعان قاراماستان، 2023 -جىلدىڭ باسىنان بەرى الەمدەگى ەكونوميكالىق بەلسەندىلىك وڭ ءۇردىستى بايقاتتى. بۇل ىسكەرلىك بەلسەندىلىك يندەكستەرىندە كورىنىپ وتىر. ءبىز وسى جاعدايدىڭ قازاقستاندا دا ورىن العانىن بايقادىق. بەس ايدىڭ قورىتىندىسى بويىنشا جالپى ىشكى ءونىمنىڭ ءوسىمى %4,5 باعالاندى»، - دەدى ع. ءپىرماتوۆ.

ونىڭ ايتۋىنشا، بىلتىر ازىق- تۇلىك پەن شيكىزات باعاسىنىڭ الەمدىك دەڭگەيدە وسۋىنەن، فيسكالدىق ىنتالاندىرۋدان قازاقستاندا ينفلياتسيا جەدەلدەي ءتۇستى. الەمدەگى لوگيستيكاعا قاتىستى جاعدايدىڭ جاقسارۋىنا قاراماستان، سانكتسيالار مەن باتىس ەلدەرى كومپانيالارىنىڭ رەسەيدەن كەتۋى قازاقستاندا تاۋار جەتكىزۋ جولدارىنىڭ قالپىنا كەلۋىنە كەدەرگى بولدى. وسى جاعدايلار قوسىمشا پروينفلياتسيالىق قىسىم كورسەتتى.

«ناتيجەسىندە 2022 -جىلدىڭ سوڭىندا ينفلياتسيا %20,3 جەتتى. ازىق- تۇلىك باعاسىنىڭ ءوسىمى ينفلياتسياعا ەداۋىر ۇلەس قوستى. ۇلتتىق بانك ينفلياتسيانى تۇراقتاندىرۋ ءۇشىن ينفلياتسيالىق تارگەتتەۋ رەجيمىن ۇستانا وتىرىپ، دەزينفلياتسيالىق مونەتارلىق ساياساتتى جۇرگىزۋدە. 2022 -جىلى ۇلتتىق بانك بازالىق مولشەرلەمەنى %16,75 دەيىن كوتەردى. بازالىق مولشەرلەمەمەن قاتار تەڭگەدەگى اكتيۆتەردىڭ كىرىستىلىگى دە ءوستى»، - دەدى ۇ ب باسشىسى.

سوڭعى جاڭالىقتار