قىتايدا ازيا ويىندارىنىڭ الاۋى رەسمي تۇردە جاعىلدى
2022 -جىلعى ازيا ويىندارىنىڭ الاۋى بۇگىن قىتايدىڭ شىعىسىندا، جىجياڭ پروۆينتسياسىنداعى ەجەلگى لياڭجۋ قالاسىندا جاعىلدى. بۇل - XIX ازيا ويىندارىنىڭ اشىلۋىنا 100 كۇن قالعانىن بىلدىرەدى.
ويىندار 2023 -جىلدىڭ 23-قىركۇيەگىنەن 8-قازانىنان دەيىن حاڭجۋدا وتەدى.
ەسكە سالايىق، XIX ازيا ويىندارى 2022 -جىلدىڭ 10-25-قىركۇيەگى ارالىعىندا ءوتۋى ءتيىس بولاتىن. كەيىن 2023 -جىلدىڭ كۇزىنە اۋىستىرىلدى.
ازيا ويىندارى قىتايدا ءۇشىنشى رەت ۇيىمداستىرىلماق. 1990 -جىلى جارىس بەيجىڭدە، 2010 -جىلى گۋاڭجوۋدا ءوتتى.
ازيا ويىندارى-2022 ۇيىمداستىرۋ كوميتەتىنىڭ مالىمەتىنشە، حاڭجوۋداعى ويىنداردىڭ سپورتتىق باعدارلاماسىندا 40 سپورت ءتۇرى، 61 ديستسيپلينا جانە 483 ءىس- شارا ەنگەن. كيبەرسپورت پەن برەيك- دەنس جارىستارى ازيا ويىندارىندا العاش رەت وتكەلى جاتىر. الەمدىك دوداعا ازيا ەلدەرىنەن، سونىڭ ىشىندە قازاقستاننان 12 مىڭ سپورتشى قاتىسادى.
