ۇلتتىق بانك ءتوراعاسى ۆاليۋتا نارىعىنداعى جاعدايعا تۇسىنىك بەردى
«قابىلدانعان بەلسەندى شارالار قارجى جۇيەسىنىڭ تۇراقسىزدانۋىن بولدىرماۋعا جانە تەڭگەدەگى اكتيۆتەرگە دەگەن سەنىمدى ساقتاۋعا مۇمكىندىك بەردى. ۆاليۋتا ساۋداسىنىڭ نارىقتىق قاعيداتتارىن كەڭەيتۋ، ۇلتتىق بانكتىڭ ءىس- ارەكەتتەرىنىڭ ترانسپارەنتتىلىگىن ارتتىرۋ ەسەبىنەن ۆاليۋتا نارىعىنىڭ بالانسىن جاقسارتۋعا مۇمكىن بولدى. بىلتىرعى ناۋرىز ايىنداعى ايىرباس باعامى 1 ا ق ش دوللارى ءۇشىن 512 تەڭگەدەن جوعارى رەكوردتىق مانگە دەيىن السىرەگەنىنە قاراماستان، جىل سوڭىنا قاراي 462,7 تەڭگەگە دەيىن 9,7 پايىزعا نىعايدى. بۇل تۇرعىدا ۆاليۋتا نارىعى قالپىنا كەلدى»، - ع. ءپىرماتوۆ.
ونىڭ ايتۋىنشا، 2022 -جىلى ۇكىمەتپەن بىرلەسىپ تەڭگەدەگى سالىمداردى قورعاۋ باعدارلاماسى ىسكە اسىرىلدى. باعدارلاما جەكە تۇلعالاردىڭ تەڭگەدەگى دەپوزيتتەرى بويىنشا وتەماقى تولەۋدى ەسكەرگەن.
«بولىنگەن وتەماقىنىڭ جالپى سوماسى 306,6 ميلليارد تەڭگەنى قۇرادى. ناتيجەسىندە تەڭگەدەگى سالىمدار 2022 -جىلدىڭ قورىتىندىسى بويىنشا 21,2 تريلليون تەڭگەگە دەيىن، ياعني 22 پايىزعا ارتتى. ال دوللاردى پايدالانۋ دەڭگەيى 31,6 پايىزعا دەيىن تومەندەدى. بيىل تەڭگەدەگى سالىمدار 21,4 تريلليون تەڭگەگە دەيىن ءوستى. دەپوزيتتەگى دوللار دەڭگەيى %30 مەجەدەن تومەندەپ، %29,3 قۇرادى. وسى ورايدا ول كەيىنگى 15 جىلداعى مينيمۋمعا جەتتى»، - دەدى ۇ ب باسشىسى.
