18:46, 14 - ماۋسىم 2023 | GMT +5
پرەزيدەنتتىڭ كۇزەت قىزمەتىنە تيەسىلى اۋە كەمەلەرى مەملەكەتتىك اۆياتسيا قۇرامىنا ءوتتى
استانا. قازاقپارات - پرەمەر- مينيستر ءاليحان سمايىلوۆ «قازاقستان رەسپۋبليكاسى مەملەكەتتىك كۇزەت قىزمەتىنىڭ كەيبىر ماسەلەلەرى تۋرالى» ۇكىمەت قاۋلىسىنا قول قويدى، دەپ حابارلايدى قازاقپارات ءتىلشىسى.
«قازاقستان رەسپۋبليكاسى مەملەكەتتىك كۇزەت قىزمەتىنىڭ اۆياتسياسى قازاقستان رەسپۋبليكاسىنىڭ مەملەكەتتىك اۆياتسياسىنىڭ قۇرامىنا ەنگىزىلسىن»، - دەلىنگەن ۇكىمەت باسشىسى قول قويعان قۇجاتتا.
وسى قاۋلى قول قويىلعان كۇننەن، ياعني 12-ماۋسىمنان باستاپ كۇشىنە ەندى.
قوسا كەتسەك، بۇعان دەيىن مەملەكەتتىك كۇزەت قىزمەتىنىڭ ميسسياسى وزگەرىپ، ءبىرقاتار قۇزىرەت بەرىلەتىنىن جازىپ ەدىك.
سونىمەن قوسا، ەندى مەملەكەتتىك كۇزەت قىزمەتى نۇرسۇلتان نازاربايەۆتىڭ قاۋىپسىزدىگىن قامتاماسىز ەتپەۋى مۇمكىن ەكەنىن دە حابارلادىق.
