نيگەريادا قايىق اۋدارىلىپ، جۇزدەگەن ادام قازا تاپتى
كەمە توي سالتاناتىنان كەيىن كۆارا شتاتىنان نيگەر شتاتىنا 300 دەن استام ادامدى الىپ بارا جاتقان.
رەسمي تۇلعالاردىڭ سوزىنشە، ىزدەۋ- قۇتقارۋ جۇمىستارى جالعاسىپ جاتىر.
قوناقتار نوسەر جاۋىننان كەيىن جولداردى جاۋىپ قالعان جەرگىلىكتى وزەننەن ءوتۋ ءۇشىن قايىقتى پايدالانباق بولعان. كورشى اۋىلعا نەكە قيۋ سالتاناتىنا بارعاندار جولدار جارىلىپ كەتكەندىكتەن موتوتسيكلمەن قايتا الماي قالعان.
قايىق اعاشتىڭ دىڭىنە سوعىسقاننان كەيىن اۋدارىلىپ، ەكىگە ءبولىنىپ كەتكەن. وقيعا جەرگىلىكتى ۋاقىتپەن 3 پەن 4 اراسىندا بولدى. 53 جولاۋشى امان قالدى. قايىقتا بولعان باسقا ادامداردىڭ ءبارى قازا تاپتى دەگەن قاۋىپ بار.
كۆارا شتاتىنىڭ ۇكىمەتى مارقۇمداردىڭ وتباسىنا كوڭىل ايتىپ، امان قالعانداردى تابۋ ءۇشىن قۇتقارۋ جۇمىستارىن باقىلاپ وتىرعانىن مالىمدەدى.
قايىقتاعى اپات - سولتۇستىك نيگەرياداعى قالىپتى جاعداي. وتكەن ايدا سوكوتو شتاتىنىڭ سولتۇستىك- باتىسىندا قايىق اۋدارىلىپ 15 ادام مەرت بولعان.
