شىعىس قازاقستان اۋماعىنداعى ورماندارعا بارۋعا شەكتەۋ قويىلادى

None
None
استانا. قازاقپارات - جاز كۇندەرى تۇرعىنداردىڭ شىعىس قازاقستان وبلىسى اۋماعىنداعى ورمان القاپتارىنا بارۋىنا تىيىم سالىنۋى مۇمكىن.

بۇل تۋرالى اشىق ن ق ا پورتالىندا جاريالانعان وبلىس اكىمىنىڭ قاۋلى- جوباسىندا جازىلعان، دەپ حابارلايدى قازاقپارات ءتىلشىسى.

«ورمان زيانكەستەرى مەن اۋرۋلارىنا قارسى كۇرەس جونىندەگى اۆياحيميالىق، اۆيابيولوگيالىق جانە اەروزولدىك ءىس- شارالار وتكىزىلەتىن جاعدايلاردا، سونداي- اق ورماندا ءورت قاۋپى جوعارى بولاتىن كەزەڭدە جەكە تۇلعالاردىڭ مەملەكەتتىك ورمان قورى اۋماعىندا بولۋىنا تىيىم سالىنسىن جانە ورمان پايدالانۋ قۇقىعى شەكتەلسىن»، - دەلىنگەن وبلىس اكىمىنىڭ قاۋلىسىندا.

قۇجاتتا جازىلعانداي، اتالعان باعىتتاعى جۇمىستار باستالار الدىندا تۇرعىندارعا حابارلاندىرۋ جاسالادى. جالپى، شەكتەۋ 29-ءساۋىر مەن 1-قاراشاعا دەيىنگى مەرزىمگە ەنگىزىلىپ وتىر.

قاۋلى- جوباسى 29-ماۋسىمعا دەيىن كوپشىلىك تالقىلاۋدا بولادى. كەيىن اكىم قول قويىپ، رەسمي جاريالانعاننان 10 كۇن ءوتىپ بارىپ كۇشىنە ەنەدى.

ەسكە سالا كەتەيىك، مۇنداي شەكتەۋ بۇعان دەيىن جامبىل، قوستاناي جانە باتىس قازاقستان وبلىستارىندا ەنگىزىلگەن بولاتىن.

سوڭعى جاڭالىقتار