20:43, 14 - ماۋسىم 2023 | GMT +6
استانادان الماتىعا ۇشپاق بولعان جولاۋشى جارىلعىش زات تۋرالى ءازىلى ءۇشىن ءىستى بولدى
استانا. قازاقپارات - استانا اۋەجايىندا جارىلعىش زات تۋرالى ورىنسىز ءازىل ايتقان جولاۋشىنىڭ ۇستىنەن قىلمىستىق ءىس قوزعالدى، دەپ حابارلايدى قازاقپارات.
استانا اۋەجايىندا «استانا- الماتى» رەيسىنە تىركەلۋ كەزىندە قازاقستاندىق جولاۋشى «وزىندە جارىلعىش زاتتىڭ بار ەكەندىگى» تۋرالى ازىلدەپ ايتقان. اۆياتسيالىق قاۋىپسىزدىك قىزمەتى دابىل قاعىپ، قۇقىق قورعاۋ ورگاندارىمەن بىرلەسە اۋەجاي اۋماعىنان كۇدىكتى زاتتى ىزدەۋگە ءماجبۇر بولدى.
ورىنسىز ازىلدەگەن جولاۋشىعا قاتىستى ق ر ق ك- ءنىڭ 273-بابى («تەرروريزم اكتىسى تۋرالى جالعان حابارلاما» ) بويىنشا قىلمىستىق ءىس قوزعالدى. بۇل - الەمدىك تاجىريبەدەن الىنعان جاعدايلارعا نەگىزدەلگەن قاۋىپسىزدىك ستاندارتى.
اۆياتسيالىق قاۋىپسىزدىك باسقارماسى قازاقستاندىقتاردى ءوز مىنەز- قۇلقىنا جاۋاپكەرشىلىكپەن قاراۋعا، سونداي- اق قول جۇگى مەن باگاج بولىگىندە تاسىمالداۋعا تىيىم سالىنعان زاتتاردىڭ تىزىمىمەن الدىن الا تانىسۋعا شاقىرادى.
