قاڭتار وقيعاسىندا ۇرلانعان تاپانشالاردىڭ ءبىرى جەتىسۋ وبلىسىنان تابىلدى

None
تالدىقورعان. قازاقپارات - جەتىسۋ وبلىسىندا قارۋ-جاراق پەن وق-دارىلەر ساقتالعان تاعى ءبىر ورىن انىقتالدى، دەپ حابارلايدى قازاقپارات polisia.kz تەلەگرام كانالىنا سىلتەمە جاساپ.

13- ماۋسىمدا سارقان قالاسىنىڭ ماڭىندا جەتىسۋ وبلىسى پد ۇقككب جەدەل قىزمەتكەرلەرى مەن ۇ ق ك د قىزمەتكەرلەرىنىڭ كۇشىمەن قارۋ-جاراق ساقتالعان ورىن انىقتالدى. پوليەتيلەن پاكەتكە ورالعان اتىس قارۋى مەن وق-دارىلەر سارقان-ەكىاشا اۆتوجولىنىڭ 5-شاقىرىمىندا سۋارمالى ارىقتان تابىلعان.

«7 پاترونمەن جاراقتاندىرىلعان «بايكال» تاپانشاسى، ءبىر اۋىزدى اڭشىلىق مىلتىعى، 12 كاليبرلى شولاق مىلتىق، ماركاسى بەلگىلەنبەگەن، سەريالىق نومىرلەرى جوق گاز تاپانشاسى، سونداي-اق ءارتۇرلى كاليبرلى 105 پاترون تاركىلەندى. «بايكال» تاپانشاسى 2022-جىلى تالدىقورعان قالاسىندا قاڭتار وقيعاسى كەزىندە ۇرلانعانى انىقتالدى»، - دەپ حابارلادى جەتىسۋ وبلىسى پ د ۇ ق ك ك ب باستىعى سارقىتباي قۇسايىنوۆ.


سوڭعى جاڭالىقتار