ەكس-مينيستر يۋري يلين اباي وبلىسىندا ءورت باستالعاندا قايدا بولدى

None
استانا. قازاقپارات - توتەنشە جاعدايلار مينيسترلىگىنىڭ باسپا ءسوز قىزمەتى ەكس-مينيستر يۋري يليننىڭ اباي وبلىسىندا ورمان ءورتى باستالعان كۇندەرى قايدا بولعانى تۋرالى مالىمەت جاريالادى، دەپ حابارلايدى قازاقپارات ءتىلشىسى.

«الەۋمەتتىك جەلىلەردەگى ۆيدەودا توتەنشە جاعدايلار ەكس-ءمينيسترى يۋري يلين اباي وبلىسىنداعى ورمان ءورتى كەزدە دۋبايدا جۇرگەن بولۋى مۇمكىن ەكەنى ايتىلعان. ول شىندىققا جاناسپايدى. ويتكەنى ەكس-مينيستر 8-9- ماۋسىم كۇندەرى سولتۇستىك قازاقستان وبلىسىنا جۇمىس ساپارىمەن بارعان بولاتىن»، - دەپ جازىلعان رەسمي مالىمەتتە.

ۆەدومستۆونىڭ باسپا ءسوز قىزمەتى وسى مالىمەتتىڭ دالەلى رەتىندە اتالمىش ساپارعا قاتىستى مينيسترلىكتىڭ رەسمي سايتىندا جارىق كورگەن اقپاراتتاردىڭ سىلتەمەلەرىن ۇسىنعان.

ول سىلتەمەلەردەن يۋري يليننىڭ 8-9- ماۋسىم كۇندەرى سولتۇستىك قازاقستان وبلىسىنا جۇمىس ساپارىمەن باراتىنى الدىن الا حابارلانعانىن، اتالمىش كۇندەرى قانداي نىسانداردى ارالاپ، قانداي ۇجىمدارمەن كەزدەسكەنىن كورۋگە بولادى.

«ايتا كەتەيىك، يۋ. يلين اباي وبلىسىنداعى ورتكە بايلانىستى س ق و- عا جۇمىس ساپارىن توقتاتىپ، ت ج م- ءنىڭ داعدارىس جاعدايلارىندا باسقارۋ ورتالىعىنداعى شتابقا ءوزى جەتەكشىلىك ەتتى»، - دەلىنگەن مينيسترلىك حابارلاماسىندا.

سوڭعى جاڭالىقتار