ءماجىلىس وتىرىسى قازا بولعان ورمانشىلاردى ۇنسىزدىكپەن ەسكە الۋدان باستالدى

None
Видеодан алынған кадр
استانا. قازاقپارات - ءماجىلىس ءتوراعاسى ەرلان قوشانوۆ اباي وبلىسىنداعى ورتتە قازا تاپقانداردىڭ جاقىندارىنا كوڭىل ايتتى، دەپ حابارلايدى قازاقپارات ءتىلشىسى.

پالاتانىڭ جالپى وتىرسى ءبىر مينۋت ۇنسىزدىكپەن باستالدى.

«اباي وبلىسىنداعى اپاتتى ءورتتىڭ سالدارى ادام ولىمىنە اكەپ سوقتى. بۇل اۋىر قايعى بارشا قازاقستان حالقىنىڭ قابىرعاسىن قايىستىردى. پرەزيدەنت 12- ماۋسىمدى جالپىۇلتتىق ازا تۇتۋ كۇنى ەتىپ جاريالادى. بارلىق دەپۋتاتتىق كورپۋس اتىنان قازا تاپقانداردىڭ وتباسىلارى مەن جاقىندارىنىڭ قايعىسىنا ورتاقتاسىپ، كوڭىل ايتامىز. وتىرىسىمىزدى باستاماس بۇرىن، قازا بولعان ارىستارىمىزدى ءبىر مينۋت ۇنسىزدىكپەن ەسكە الايىق»، - دەدى ەرلان قوشانوۆ.

ەسكە سالايىق، 8- ماۋسىم كۇنى تۇتانعان «سەمەي» ورمانى رەزەرۆاتىنداعى ورتپەن كۇرەسكە جۇمىلدىرىلعان 14 ورمانشى قازا بولدى. ءۇش اۋىلدىڭ تۇرعىندارى ەۆاكۋاتسيالاندى.

پرەزيدەنت قاسىم-جومارت توقايەۆ جۇمىس ساپارىمەن اباي وبلىسىنا باردى.

12- ماۋسىم ەلىمىزدە ازا تۇتۋ كۇنى بولىپ جاريالاندى.

الاپات ورتپەن كۇرەس ءالى ءجۇرىپ جاتىر.

سوڭعى جاڭالىقتار