بۋراباي كۋرورتتىق ايماعىندا جاس جىگىتتەردەن قۇرالعان قىلمىستىق توپ ۇستالدى
پوليتسيا دەپارتامەنتى ارنايى قۇرىلىمدارى جاۋىنگەرلەرىنىڭ جانە ۇيىمداسقان قىلمىسپەن كۇرەس باسقارماسى قىزمەتكەرلەرىنىڭ اۋقىمدى ارنايى وپەراتسياسىنىڭ ناتيجەسىندە شۋچينسك قالاسىندا بۋراباي اۋدانىنىڭ اۋماعىندا بوپسالاۋمەن اينالىساتىن جاس جىگىتتەر توبىنىڭ قىلمىستىق قىزمەتى توقتاتىلدى.
ۇزاق مەرزىمدى تەكسەرۋ جۇمىستارى بارىسىندا بوپسالاۋشىلاردىڭ جەرگىلىكتى تۇرعىنداردى، نەگىزىنەن جاستاردى موبيلدى بانكينگ ارقىلى اقشالاي جانە تاۋارلىق نەسيە الۋعا ماجبۇرلەگەندەرى، ال باس تارتقان جاعدايدا زورلىق-زومبىلىق كورسەتىپ قورقىتقانى انىقتالدى. توپتىڭ قىلمىستىق ءىس-ارەكەتتەرىنىڭ دالەلدەمەلىك بازاسىن جيناۋ ءۇشىن ۇ ق ق ك ب قىزمەتكەرلەرى ءبىرقاتار ارنايى جەدەل ءىس-شارالار وتكىزدى. سونىڭ ناتيجەسىندە بوپسالاۋ، توناۋ، الاياقتىق جاساۋ جانە قىلمىستىق قاقتىعىستارعا قاتىسۋ دەرەكتەرى انىقتالىپ، رەسمي تۇردە قۇجاتتالدى جانە قىلمىستىق ىستەرگە تىركەلدى.
ارنايى وپەراتسيا بارىسىندا پوليتسيا قىزمەتكەرلەرى ءتىنتۋ ءىس-شارالارىن جۇرگىزىپ، قاتىسۋشىلاردىڭ ۇيالى تەلەفوندارىن تاركىلەدى. 4 دەرەككە قاتىستى ق ر ق ك- ءنىڭ 194-بابىنىڭ 1-بولىگى جانە 194-بابىنىڭ 2-بولىگى (بوپسالاۋ) بويىنشا سوتقا دەيىنگى تەرگەۋلەر جۇرگىزىلىپ جاتىر.
پوليتسيا بولىمىنە 8 ايىپتالۋشى جەتكىزىلدى، ونىڭ 4 ەۋى ۋاقىتشا ۇستاۋ يزولياتورىنا قامالدى. پوليتسەيلەر ۇستالعانداردىڭ زاڭسىز ارەكەتتەرىنەن زارداپ شەككەن ازاماتتاردىڭ بارلىعىن انىقتاۋ بويىنشا كەشەندى جەدەل جانە تەرگەۋ ءىس-شارالارىن جۇرگىزىپ جاتىر.
