ەلىمىزدىڭ باسىم بولىگىندە قاتتى جەل سوعادى - سينوپتيكتەر بولجامى

None
استانا. قازاقپارات - سينوپتيكتەر رەسپۋبليكانىڭ باسىم بولىگىندە اۋا رايىنا بايلانىستى ەسكەرتۋ جاريالادى، دەپ حابارلايدى قازاقپارات.

«قازگيدرومەت» ر م ك اقپاراتى بويىنشا، ەلوردادا 14-16- ماۋسىم كۇندەرى توتەنشە ءورت قاۋپى ساقتالادى.

الماتىدا 14-16- ماۋسىمدا ءورت شىعۋ قاۋپى جوعارى بولادى.

شىمكەنتتە 14- ماۋسىمدا توتەنشە ءورت قاۋپى ساقتالادى.

تۇندە اباي وبلىسىنىڭ سولتۇستىگى مەن باتىسىندا نايزاعاي جارقىلدايدى. وبلىستىڭ سولتۇستىك، باتىس، ورتالىق بولىگىندە تۇندە سولتۇستىك جانە سولتۇستىك- شىعىستان جەل سوعادى، كۇندىز ءوڭىردىڭ باسىم بولىگىندە سوققان جەلدىڭ جىلدامدىعى سەكۋندىنا 15-20 مەترگە دەيىن جەتەدى، جەل ەكپىنى 23-28 م/س دەيىن كۇشەيەدى. وبلىستا ءورت شىعۋ قاۋپى جوعارى.

14-16- ماۋسىمدا اقمولا وبلىسىنىڭ باسىم بولىگىندە توتەنشە ءورت قاۋپى ساقتالادى.

اقتوبە وبلىسىنىڭ وڭتۇستىك بولىگىندە شىعىس، سولتۇستىك-شىعىستان جەل سوعىپ، ورتالىق بولىگىندە ەكپىنى 15-20 م/س دەيىن جەتەتىنى بولجانىپ وتىر. توتەنشە ءورت قاۋپى ساقتالادى.

سونداي-اق بقل كۇندەرى الماتى وبلىسىنىڭ سولتۇستىگىندە، ورتالىعىندا توتەنشە ءورت قاۋپى ساقتالادى.

كۇندىز اتىراۋ وبلىسىنىڭ باتىسى مەن وڭتۇستىگىندە شاڭدى داۋىل تۇرادى. جەل ەكپىنى 15-20 م/س دەيىن جەتەدى. كۇندىز 38 گرادۋس قاتتى ىستىق ساقتالادى. سولتۇستىك، شىعىس، وڭتۇستىك بولىگىندە توتەنشە ءورت قاۋپى ساقتالادى.

شىعىس قازاقستان وبلىسىنىڭ شىعىسىندا نايزاعاي جارقىلدايدى. ءوڭىردىڭ سولتۇستىك، وڭتۇستىك جانە ورتالىق بولىگىندە باتىس، سولتۇستىك- باتىستان سوعاتىن جەلدىڭ كۇشى 15-20، ەكپىنى 23-28 م/س دەيىن جەتەدى. وبلىستىڭ باسىم بولىگىندە توتەنشە ءورت قاۋپى ساقتالادى.

جەتىسۋ وبلىسىنىڭ وڭتۇستىگىندە، تاۋلى ايماقتارىندا نايزاعاي جارقىلدايدى. وبلىستىڭ ورتالىعىندا، سولتۇستىگىندە، شىعىسىندا سولتۇستىك-شىعىستان سوعاتىن جەلدىڭدىڭ جىلدامدىعى سەكۋندىنا 15-20 مەترگە دەيىن، كۇندىز الاكول اۋدانىندا ەكپىنى 23-28 م/س دەيىن جەتەدى. وبلىستىڭ باسىم بولىگىندە توتەنشە ءورت قاۋپى ساقتالادى.

باتىس قازاقستان وبلىسىنىڭ باتىسىندا نايزاعاي وينايدى. وبلىستىڭ باتىسى مەن وڭتۇستىگىندە اۋەلى سولتۇستىك-شىعىستان سوعاتىن جەل وڭتۇستىك-شىعىسقا اۋىسىپ، ەكپىنى 15-20 م/س دەيىن جەتەدى. كۇندىز وبلىستىڭ كوپ بولىگىندە 35-39 گرادۋس ىستىق بولادى. وبلىستىڭ وڭتۇستىگىندە، شىعىسىندا، سولتۇستىگىندە ءورت قاۋپى جوعارى بولادى دەپ بولجانىپ وتىر.

كۇندىز قاراعاندى وبلىسىنىڭ شىعىسىندا نايزاعاي جارقىلدايدى. وبلىستىڭ سولتۇستىگىندە، شىعىسىندا سولتۇستىك-شىعىستان سوعاتىن جەلدىڭ ەكپىنى 15-20 م/س دەيىن جەتەدى. وبلىستىڭ وڭتۇستىگىندە توتەنشە ءورت قاۋپى ساقتالادى.

تۇندە جانە تاڭەرتەڭ قوستاناي وبلىسىنىڭ سولتۇستىگىندە تۇمان تۇسەدى. وبلىستىڭ وڭتۇستىگىندە سولتۇستىك-شىعىستان 15-20 م/س جىلدامدىقپەن جەل سوعادى. وڭتۇستىك جارتىسىندا ءورت شىعۋ قاۋپى جوعارى.

كۇندىز قىزىلوردا وبلىسىنىڭ ورتالىعىندا شاڭدى داۋىل تۇرادى. سولتۇستىك بولىگىندە تۇندە سولتۇستىك-شىعىستان سوعاتىن جەل ەكپىنى 15-20 م/س، كۇندىز وبلىستىڭ كوپ بولىگىندە 15-20 م/س دەيىن جەتەدى . كۇندىز اۋانىڭ تەمپەراتۋراسى 40 گرادۋسقا دەيىن جوعارىلايدى. وڭىردە توتەنشە ءورت قاۋپى ساقتالادى.

ماڭعىستاۋ وبلىسىنىڭ وڭتۇستىك، سولتۇستىك-شىعىس، ورتالىق بولىگىندە شاڭدى داۋىل سوعادى. كۇندىز وڭتۇستىك، سولتۇستىك-شىعىس، ورتالىق بولىگىندە وڭتۇستىك-شىعىستان قاتتى جەل سوعادى (15-20 م/س). كۇندىز وبلىستىڭ باسىم بولىگىندە كۇن 42 گرادۋسقا دەيىن ىسيدى. توتەنشە ءورت قاۋپى ساقتالادى.

تۇندە پاۆلودار وبلىسىنىڭ وڭتۇستىگىندە، شىعىسىندا نايزاعاي جارقىلدايدى. سولتۇستىكتەن جەل سوعىپ (18 م/س)، نايزاعاي وينايدى.

تۇركىستان وبلىسىنىڭ سولتۇستىگىندە-شاڭدى داۋىل تۇرادى. ءوڭىردىڭ سولتۇستىگىندە، باتىسىندا، تاۋلى اۋداندارىندا ەكپىنى 15-20 م/س دەيىن جەل سوعادى. كۇندىز وبلىستىڭ ءشولدى اۋداندارىندا تەرمومەتر باعانى 42 گرادۋسقا دەيىن جوعارىلايدى. وبلىستىڭ كوپ بولىگىندە توتەنشە ءورت قاۋپى ساقتالادى.

ۇلىتاۋ وبلىسىنىڭ وڭتۇستىگىندە شاڭدى داۋىل سوعادى. وبلىستىڭ سولتۇستىگىندە، وڭتۇستىگىندە سولتۇستىك-شىعىستان سوعاتىن جەل ەكپىنى 18 م/س دەيىن جەتەدى. وبلىستىڭ ورتالىعىندا ءورت شىعۋ قاۋپى جوعارى.

سوڭعى جاڭالىقتار