مەملەكەت باسشىسى ديماش قۇدايبەرگەننىڭ اتاسىنىڭ قايتىس بولۋىنا بايلانىستى كوڭىل ايتتى

None
استانا. قازاقپارات - مەملەكەت باسشىسى تانىمال ءانشى، ونەر قايراتكەرى ديماش قۇدايبەرگەننىڭ اتاسى - قۇدايبەرگەن ايتباي ۇلىنىڭ دۇنيەدەن وتۋىنە بايلانىستى ايتبايەۆتار اۋلەتىنە كوڭىل ايتۋ جەدەلحاتىن جولدادى.

بۇل تۋرالى ءوزىنىڭ Facebook پاراقشاسىندا ق ر پرەزيدەنتىنىڭ باسپا ءسوز حاتشىسى رۋسلان جەلدىباي جازدى، دەپ حابارلايدى قازاقپارات.

«اۋلەتتەرىڭىزدىڭ ارداقتىسى، ەلگە تانىمال، حالىق سىيلاعان ابىرويلى اقساقال قۇدايبەرگەن ايتباي ۇلىنىڭ دۇنيەدەن وتۋىنە بايلانىستى كوڭىل ايتامىن.

قۇدايبەرگەن ايتباي ۇلى اۋىل شارۋاشىلىعى سالاسىندا كوپ جىل قاجىرلى قىزمەت ەتىپ، ەڭبەك ارداگەرى اتاندى. ادامگەرشىلىك اسىل قاسيەتتەرىمەن ءوز ورتاسىنا سىيلى، اعايىن- تۋىسقا ءقادىرلى جان بولدى. ۇلاعاتتى ۇرپاق ءوسىرىپ، دارىندى ۇل-قىزداردى تاربيەلەي ءبىلدى.

اينالا توڭىرەگىنە مەيىرىم شۋاعىن شاشا بىلگەن قۇدايبەرگەن ايتباي ۇلىنىڭ جارقىن بەينەسى ونى بىلەتىندەردىڭ جادىندا ساقتالادى.

مارقۇمنىڭ يمانى سالامات، جانى ءجانناتتا بولسىن»، - دەپ جازىلعان جەدەلحاتتا.


سوڭعى جاڭالىقتار