كانەلو ءوز سالماعىندا ەڭ قاۋىپتى بوكسشىمەن ايقاستان باس تارتتى

None
Фото: sports.kz
استانا. قازاقپارات - ەكىنشى ورتا سالماقتا ابسوليۋت چەمپيون ساۋل «كانەلو» الۆارەس (59-2-2، 39 ك و) امەريكالىق داۆيد بەناۆيدەسپەن (27-0، 23 ك و) جۇدىرىقتاسۋدان باس تارتتى، دەپ حابارلايدى Vesti.kz.

بەلگىلى ينسايدەر مايكل بەنسوننىڭ سوزىنشە، «كانەلو» مەن بەناۆيدەس جەكپە-جەگى وتپەيدى. مۇنى بەناۆيدەستىڭ پروموۋتەرى سەمپسون ليەۆكوۆيچ دە راستادى. ليەۆكوۆيچتىڭ ايتۋىنشا، «كانەلو» مەن ونىڭ باپكەرى ەددي رەينوسو قىركۇيەكتە جۇدىرىقتاسۋ تۋرالى ۇسىنىسقا مۇلدە جاۋاپ بەرمەي قويعان.

ايتا كەتەيىك، ءدال وسى بەناۆيدەس سۋپەر ورتا سالماقتا الۆارەس ءۇشىن ەڭ قاۋىپتى قارسىلاس سانالادى. ول ەكىنشى ورتا ديۆيزيوندا WBC ۇيىمىنىڭ ۋاقىتشا چەمپيونى.

سوڭعى جاڭالىقتار