بەيبىت يسابايەۆ ءوزىن «ۇيىقتاپ جۇرەتىن اكىم» دەيتىندەرگە جاۋاپ بەردى

None
Фото: parlam.kz
استانا. قازاقپارات - ورتالىق كوممۋنيكاتسيالار قىزمەتىندە وتكەن بريفينگىدە جەتىسۋ وبلىسىنىڭ اكىمى بەيبىت يسابايەۆ ءوزىن جۇمىسى كورىنبەيتىن «ۇيىقتاپ جۇرەتىن اكىم» دەپ پىكىر ايتقاندارعا جاۋاپ بەردى، دەپ حابارلايدى قازاقپارات ءتىلشىسى.

ءباسپاسوز ماسليحاتى بارىسىندا باق وكىلى بەيبىت يسبايەۆقا «جۇمىسىڭىز نەگە كورىنبەيدى، نەلىكتەن ءسىزدى «ۇيىقتاپ جۇرەتىن اكىم» دەپ اتايدى؟»، دەپ ساۋال تاستادى.

«ءيا، مەن ۇيىقتايمىن، ءبىراق تاۋلىگىنە 4-5 ساعات قانا. مەن نەمەن اينالىسامىن؟ بۇل رەتتە جاۋاپ قىسقا بولادى. وبلىس بولىنگەن كەزدە ءوڭىر الەۋمەتتىك- ەكونوميكالىق دامۋ كورسەتكىشى بويىنشا رەسپۋبليكادا 19-20 ورىندا بولدى. ال، ەندى مۇقيات تىڭداڭىز: 2022 -جىلدىڭ قورىتىندىسىنا ساي، بارلىق ينديكاتور بويىنشا جەتىسۋ وبلىسى 4-ورىنعا تۇراقتادى. بۇل مەنىڭ جۇمىسىمنىڭ ناتيجەسى»، - دەپ جاۋاپ قاتتى بەيبىت يسابايەۆ.

قوسا كەتسەك، اتالعان باسپا ءسوز ماسليحاتى بارىسىندا ءوڭىر باسشىسى تالدىقورعاندا مەمقىزمەتشىلەر، جۋرناليستەر، سپورتشىلار مەن ارتىستەر پاتەردى زاڭسىز العانىن مالىمدەپ ەدى.

سوڭعى جاڭالىقتار