ورالدا بالالار وتىرعان اۆتوبۋس جانىپ كەتتى

ورال. قازاقپارات - ورال قالاسىندا بالالاردى الىپ بارا جاتقان اۆتوبۋس جانىپ كەتتى، دەپ حابارلايدى قازاقپارات ءتىلشىسى.

ب ق و توتەنشە جاعدايلار دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا 13- ماۋسىم كۇنى گ. بەلگەر كوشەسىندە بولدى.

«ساعات 12.40 تا گ. بەلگەر كوشەسىندەگى 114- ءۇي تۇسىندا «پاز» جەكە اۆتوبۋسى وتقا وراندى. ءتىلسىز جاۋ ساعات 13.09 دا وقشاۋلانىپ، 13.14 تە اۋىزدىقتالدى. ادامدار امان. وقيعا ورنىندا 6 ادام (1 تەحنيكا) جۇمىس ىستەدى. قازىرگى كەزدە ءورتتىڭ شىعۋ سەبەبى، كەلتىرىلگەن شىعىن انىقتالۋ ۇستىندە»، - دەپ حابارلادى ۆەدومستۆودان.

وقيعا كۋاگەرلەرىنىڭ سوزىنە قاراعاندا، اۆتوبۋس بالالاردى الىپ كەلە جاتقان. بارلىعى شىعىپ ۇلگەرىپتى. ورتەنىپ جاتقان اۆتوبۋستىڭ ۆيدەوسى الەۋمەتتىك جەلىدە جاريالاندى. جەلى قولدانۋشىلارى كولىكتە مەكتەپ لاگەرىندەگى وقۋشىلار بولعانىن جانە ولاردىڭ كينوعا بارا جاتقانىن جازعان.

ەسكە سالا كەتەيىك، بۇدان بۇرىن ورال قالاسىندا بەس قاباتتى ۇيدەن ءورت شىققانىن جازعان بولاتىنبىز.

سونداي-اق، باتىس قازاقستان وبلىسىندا ورمانعا كىرۋگە شەكتەۋلەر ەنگىزىلدى.