17:55, 13 - ماۋسىم 2023 | GMT +5
مينسكىدە ۇ ق ش ۇ سىرتقى ىستەر مينيسترلەرىنىڭ كەڭەسى وتەدى
استانا. قازاقپارات - پرەمەر-ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋ مينسكىدەگى ۇ ق ش ۇ سىرتقى ىستەر مينيسترلەرىنىڭ كەڭەسىنە قاتىسادى، دەپ حابارلايدى قازاقپارات ءتىلشىسى.
بۇل تۋرالى ۆەدومستۆونىڭ رەسمي وكىلى ايبەك سمادياروۆ ءمالىم ەتتى.
«19-23- ماۋسىمدا مينسكىدە ۇ ق ش ۇ سىرتقى ىستەر مينيسترلەرى كەڭەسىنىڭ كەزەكتى وتىرىسى وتكىزىلەدى. قازاقستاندىق دەلەگاتسيانى پرەمەر-ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋ باسقارادى. ءىس-شارا بارىسىندا ۇ ق ش ۇ- نى ودان ءارى دامىتۋ اسپەكتىلەرىن تالقىلاۋ جوسپارلانىپ وتىر»، - دەدى ايبەك سمادياروۆ.
ونىڭ ايتۋىنشا، مۇرات نۇرتىلەۋ بەلارۋس رەسپۋبليكاسىنا مينسك تاراپىنىڭ شاقىرۋىمەن رەسمي ساپار جاسايدى. ساپار بارىسىندا مينيستر بەلارۋستىق ارىپتەسى سەرگەي ولەينيكپەن ساياسي، ساۋدا-ەكونوميكالىق جانە مادەني گۋمانيتارلىق سالالارداعى ەكىجاقتى ىنتىماقتاستىقتىڭ كەڭ اۋقىمدى ماسەلەلەرىن تالقىلايدى.
