سەمەي ورمانىنداعى ءورت: تراكتورشى سەرگەي ارحيپوۆتىڭ دەنەسى تابىلدى

استانا. قازاقپارات - اباي وبلىسىنىڭ پوليسەيلەرى 10- ماۋسىمدا تراكتورمەن ءورت سوندىرۋگە كومەكتەسۋگە اتتانىپ، جوعالىپ كەتكەن بەسقاراعاي اۋدانى دولون اۋىلىنىڭ تۇرعىنى سەرگەي نيكولايەۆيچ ارحيپوۆتىڭ ءمايىتىن تاپتى، دەپ حابارلايدى polisia.kz سايتى.

ەر ادامنىڭ دەنەسى قىزمەتتىك ءيتتىڭ كومەگىمەن ءورتتى ءسوندىرۋ ورنىنان 50 شاقىرىم جەردەن تابىلدى، زورلىق-زومبىلىق بەلگىلەرى جوق. قىزمەتتىك ءيت اباي وبلىسى پ د- ءنىڭ كينولوگيالىق ەسەبىنىڭ قۇرامىندا ىزدەۋگە اتسالىسىپ، تراكتور تابىلعان جەردەن ورمان جولاعىنا دەيىنگى ەر ادامنىڭ ءىزىن تاپقان.

سوت- مەديتسينالىق ساراپتاما تاعايىندالدى، ونىڭ ناتيجەلەرى بويىنشا پروتسەستىك شەشىم قابىلداناتىن بولادى.

قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس سوتقا دەيىنگى تەرگەپ- تەكسەرۋدىڭ دەرەكتەرى جاريا ەتىلۋگە جاتپايدى.