بيىل استانا جىلۋسىز قالۋى مۇمكىن دەگەن قاۋىپ بار - ەرلان سايروۆ

None
استانا. قازاقپارات - بيىل استانا جىلۋسىز قالۋى مۇمكىن دەگەن قاۋىپ بار. ءماجىلىس دەپۋتاتى ەرلان سايروۆ وسىنداي وي ايتتى، دەپ حابارلايدى قازاقپارات «AMANAT» پارتياسىنىڭ باسپا ءسوز قىزمەتىنە سىلتەمە جاساپ.

پارتيا جانىنداعى سىبايلاس جەمقورلىققا قارسى ءىس-قيمىل جونىندەگى رەسپۋبليكالىق كەڭەستىڭ جۇمىس توبى استانا قالاسىنىڭ ج ە و-3 قۇرىلىسىنا پارتيالىق باقىلاۋ جۇرگىزدى. ونىڭ قۇرامىنا ءماجىلىس دەپۋتاتتارى، باس پروكۋراتۋرانىڭ، استانا اكىمدىگىنىڭ، قارجى مونيتورينگى اگەنتتىگىنىڭ جانە سىبايلاس جەمقورلىققا قارسى ءىس-قيمىل اگەنتتىگىنىڭ وكىلدەرى كىردى.

«قوعامدىق باقىلاۋ تۋرالى» زاڭعا سايكەس، ءبىز ەلورداداعى ج ە و-3 قۇرىلىسىنىڭ ساپاسىنا باقىلاۋ جۇرگىزەمىز. نىساننىڭ قۇرىلىسى 2010-جىلدان بەرى جۇرگىزىلىپ كەلە جاتقانىن بىلەمىز، بۇل - ۇزاق پروتسەسس. ادامدار استانادا جىلۋدىڭ جەتىسپەيتىندىگىنە شاعىمدانادى. سوندىقتان، بيىل قالا بەلگىلى ءبىر دارەجەدە جىلۋسىز قالۋى مۇمكىن دەگەن قاۋىپ بار»، - دەپ ەسكەرتتى كەڭەس ءتوراعاسى، ءماجىلىس دەپۋتاتى ەرلان سايروۆ.

ج ە و-3 قۇرىلىسىنىڭ جۇرگىزىلىپ جاتقانىنا ون جىلدان استى جانە وسى ۋاقىت ارالىعىندا جۇمىس قۇنى ءوسىپ، پايدالانۋعا بەرۋ مەرزىمى بىرنەشە رەت شەگەرىلدى. جوبانىڭ مەردىگەرى «سەنتركازەنەرگومونتاج» ا ق- نىڭ اقپاراتى بويىنشا، العاشقى ەكى قازاندىق بيىل قازان ايىندا ىسكە قوسىلىپ، ال ج ە و- نىڭ ءوزى جىل سوڭىنا دەيىن پايدالانۋعا بەرىلەدى.

بۇگىندە نىساندا ەكى اۋىسىمدا 17 قوسالقى مەردىگەرلىك ۇيىمداردان 600 دەن استام ادام جۇمىس ىستەيدى. تەحنيكالىق اۋديت دەرەكتەرىنە سايكەس، نىسانداعى جۇمىس %83 ورىندالعان. سۋ جىلىتۋ قازاندىقتارىن، قىزدىرعىشتار مەن جەلىلىك سۋ قۇبىرلارىن مونتاجداۋ جۇمىسى اياقتالدى. سونداي-اق، يندۋستريالدى پاركتەن ج ە و-3-كە دەيىن تەحنيكالىق سۋ قۇبىرى سالىندى.

ينسپەكتسيا بارىسىندا پارتيالىقتار ەلوردادا جەو قۇرىلىسى ۋاقتىلى اياقتالماعان جاعدايدا جىلۋ ەنەرگياسىنىڭ تاپشىلىعى تۋىنداۋى مۇمكىن ەكەنىن اتاپ ءوتتى. تاعى ءبىر ماسەلە، سوڭعى 15 جىل ىشىندە بۇرىن ساتىپ الىنعان جابدىقتىڭ ءبىر بولىگى ەسكىرىپ، قولدانۋعا جارامسىز بولىپ قالعان.

«قۇرىلىسشىلار دايىندىقتىڭ %83 ەكەنىن ايتادى. بارلىق قازاندىقتار دايىن، قۇبىرلار قالانىڭ نەگىزگى ماگيسترالىنە قوسىلعان دەپ وتىر. الايدا، جالپى جۇمىستىڭ ايتىلعان دەڭگەيگە جەتپەيتىنىن كورىپ وتىرمىز، ءالى دە اتقارىلاتىن جۇمىس بارشىلىق. سوندىقتان، ءبىز اي سايىن باقىلاۋ جۇرگىزىپ، جۇمىستىڭ قالاي ءجۇرىپ جاتقانىن تەكسەرەمىز. بۇل ماسەلەنى اكىمدىك پەن مينيسترلىكتەردىڭ وكىلدەرىمەن تالقىلاپ، جان- جاقتى باقىلاۋ جاسايمىز. ەگەر نىسان ۋاقىتىندا سالىنىپ بىتپەسە، ەلوردادا جىلۋ ەنەرگياسى تاپشىلىعى تۋىنداۋى مۇمكىن»، - دەدى ەرلان سايروۆ.

ايتا كەتسەك، بۇل نىساننىڭ قۇرىلىس تاريحى 2008-جىلدان باستالادى. سول كەزدە جوبانىڭ قاجەتتىلىكتەرىنە رەسپۋبليكالىق بيۋجەتتەن 86 ميلليارد تەڭگە ءبولىنىپ، ال كەيىننەن بيۋجەتى 122 ميلليارد تەڭگەگە دەيىن ۇلعايدى. مۇنى نىساننىڭ جوبالاۋ-سمەتالىق قۇجاتتاماسى دالەلدەي الادى. ءبىراق، مۇنىمەن جوبانىڭ قارجى ماسەلەسى تۇبەگەيلى شەشىلمەدى. ويتكەنى، نىساننىڭ وسىعان دەيىن ايتىلعان قۇنىن 175 ميلليارد تەڭگەگە دەيىن ۇلعايتۋ جوسپارلانىپ وتىر.

ەسكە سالا كەتەيىك، بۇعان دەيىن پارتيالىقتار «سەنتركازەنەرگومونتاج» ا ق وليگارح الەكساندر كلەبانوۆقا تيەسىلى «ساتەك» ا ق- مەن اففيلييرلەنگەن كومپانيا ەكەنىن ايتقان بولاتىن. اتاپ ايتقاندا، كەڭەس مۇشەلەرى باس پروكۋراتۋراعا الەكساندر كلەبانوۆ پەن ونىڭ كومپانياسىن بيۋجەت قاراجاتىن ۇرلاۋ جانە ولاردى شەتەلگە زاڭسىز شىعارۋ ارەكەتى بويىنشا تەكسەرۋدى ۇسىندى.

قۇرىلىس جۇمىسىنىڭ ساپاسى مەن قارقىنىن ودان ءارى باقىلاۋ ءۇشىن كەڭەس جۇمىس توبىنىڭ مۇشەلەرى ءبىر ايدان كەيىن نىسانعا تاعى دا كەلۋدى جوسپارلاپ وتىر.

سوڭعى جاڭالىقتار