قازاقستان قاي ەلدەرگە ەت ەكسپورتتايدى
«پاندەمياعا دەيىن 2019 -جىلى اۋسىلعا قاتىستى ساۋلىق مارتەبەسى وڭ بولعان كەزەڭدە ەت ەكسپورتى 9,7 مىڭ توننانى قۇرادى، ونىڭ ىشىندە قىتايعا - 3,6 مىڭ توننا، رەسەيگە - 2,1 مىڭ توننا جانە يرانعا 2,3 مىڭ توننا ەت ەكسپورتتالدى. 2022 -جىلدىڭ قورىتىندىسى بويىنشا سولتۇستىك- باتىس وڭىرلەردە اۋسىلعا قاتىستى ساۋلىق مارتەبە وڭ بولماعانىنا قاراماستان، وزبەكستانعا، بىرىككەن اراب امىرلىكتەرىنە جانە قىرعىزستانعا ەكسپورتتى قايتا باعدارلاي الدىق جانە ەكسپورت كولەمىن 2,9 ەسەگە ارتتىردىق»، - دەدى ە. قاراشوكەيەۆ ۇكىمەت وتىرىسىندا.
ناتيجەسىندە وتكەن جىلى ەت ەكسپورتى 28,7 مىڭ تونناعا جەتكەن، بۇل سوڭعى 10 جىلداعى رەكوردتىق كورسەتكىش.
«بۇل ءۇردىس اعىمداعى جىلى دا ساقتالۋدا. وزبەكستانعا شىعارىلعان ەت ەكسپورتى 134 ەسە، ال بىرىككەن اراب امىرلىكتەرىنە 8 ەسە ارتتى»، - دەدى مينيستر.
اۆتور:
ايجان سەرىكجان قىزى
