قىتايدىڭ الماتىداعى باس كونسۋلى: جۋرناليستەر قازاقستان مەن قىتاي اراسىنداعى كوپىرگە اينالۋى ءتيىس

None
استانا. قازاقپارات - جۋرناليستەر قاۋىمى قازاقستان مەن قىتاي اراسىنداعى ءوزارا تۇسىنىستىك پەن دوستىق ءۇشىن ماڭىزدى كوپىرگە اينالۋى ءتيىس. بۇل تۋرالى قىتايدىڭ الماتىداعى باس كونسۋلى جياڭ ۆەي ەكى ەلدىڭ جۋرناليستەرىمەن كەزدەسۋىندە ايتتى.

باسقوسۋ «قورعاس» حالىقارالىق شەكارا ماڭى ىنتىماقتاستىعى ورتالىعىندا ءوتتى. قىتاي كونسۋلى «قىتاي-ورتالىق ازيا» سامميتىنىڭ قورىتىندىلارى مەن ونىڭ ەكى مەملەكەت ءۇشىن ماڭىزى تۋرالى باسا ايتتى. ول سونداي- اق تاراپتار اراسىنداعى ۆيزاسىز رەجيم تۋرالى كەلىسىمنىڭ «قورعاس» حالىقارالىق ورتالىعىنىڭ دامۋىنا وڭ ىقپال ەتەتىنىن اتاپ ءوتتى.

قازىرگى ۋاقىتتا بۇل ورتالىق بىرەگەي گەوگرافيالىق ارتىقشىلىققا يە. ول جىبەك جولى ەكونوميكالىق بەلدەۋىندە ورنالاسقان قىتاي مەن قازاقستان اراسىنداعى شەكارالىق ساۋدا مەن گۋمانيتارلىق بايلانىستاردى دامىتۋدا ماڭىزدى رول اتقارادى. قىتاي تاراپىنىڭ مالىمەتى بويىنشا، وسى جىلدىڭ مامىر ايىندا «قورعاس» ورتالىعىنا 370 مىڭعا جۋىق ادام كىرىپ شىققان. وعان كۇنىنە 12 مىڭعا جۋىق ادام كەلەدى.

جياڭ ۆەي، قىتايدىڭ الماتىداعى باس كونسۋلى:

- وتكەن سامميتتە ەلدەرىمىزدىڭ باسشىلارى ەكىجاقتى قارىم- قاتىناس ماسەلەلەرى بويىنشا ماڭىزدى كەلىسىمدەرگە قول جەتكىزدى. ولار قىتاي-قازاقستان بىرلەسكەن مالىمدەمەسىنە قول قويىپ، جاريالادى. ۆيزاسىز رەجيم تۋرالى كەلىسىم - بۇل پرەزيدەنت قاسىم- جومارت توقايەۆتىڭ قىتايعا ساپارىنىڭ ماڭىزدى ناتيجەسى. بۇل ەكى ەل ازاماتتارى اراسىنداعى بەلسەندى ساۋداعا جانە ەكونوميكا، مادەنيەت، تۋريزم جانە تاعى باسقا سالالارداعى ىنتىماقتاستىققا ىقپال ەتەدى دەپ ويلايمىن.

www.24.kz

سوڭعى جاڭالىقتار