تاجىكستان پرەزيدەنتى قازاقستان حالقىنا كوڭىل ايتتى

None
دۋشانبە. قازاقپارات - تاجىكستان رەسپۋبليكاسىنىڭ سىرتقى ىستەر ءمينيسترى سيرودجيددين مۋحريددين دۋشانبەدەگى قازاقستان ەلشىلىگىنە باردى، دەپ حابارلايدى قازاقپارات مەنشىكتى ءتىلشىسى.

مينيستر تاجىكستان رەسپۋبليكاسىنىڭ باسشىسى ەمومالي راحموننىڭ اتىنان قازاقستان پرەزيدەنتى قاسىم-جومارت توقايەۆقا اباي وبلىسىندا اۋقىمدى ورمان ءورتى سالدارىنان ادامداردىڭ قازا تابۋىنا بايلانىستى كوڭىل ايتۋ تەلەگرامماسىن بەردى.

«قازاقستاننىڭ شىعىسىنداعى اباي وبلىسىندا ادامداردى قۇربان ەتكەن اۋقىمدى ءورت تۋرالى حاباردى قايعىمەن قابىلدادىق. باۋىرلاس قازاقستان حالقىنا، قازا تاپقانداردىڭ تۋىستارى مەن جاقىندارىنا شىن جۇرەكتەن كوڭىل ايتامىز. ۇكىمەت پەن ىنتىماعى مول قازاقستان حالقىنىڭ كۇشىمەن تابيعي اپات سالدارى تاياۋ ۋاقىتتا ەڭسەرىلەتىنىنە سەنىمدىمىز»، - دەلىنگەن تەلەگراممدا.

سىرتقى ساياسات ۆەدومستۆوسىنىڭ باسشىسى تاجىكستان ۇكىمەتىنىڭ اتىنان قايعىعا ورتاقتاسىپ، مەرت بولعانداردىڭ وتباسىلارىنا قولداۋ كورسەتەتىنىن جەتكىزدى. ەلشىلىكتەگى كوڭىل ايتۋ كىتابىنا جازبا قالدىردى.

سوڭعى جاڭالىقتار