ەلىمىزدە «باي ادام» ساناتىن انىقتايتىن تابىس سوماسى بەلگىلەنۋى مۇمكىن

None
استانا. قازاقپارات - ەلىمىزدە «باي ادام» ساناتىن انىقتايتىن تابىس سوماسى بەلگىلەنۋى مۇمكىن. ۇلتتىق ەكونوميكا ۆيتسە- ءمينيسترى ازامات ءامرين سەناتتا وتكەن دوڭگەلەك ۇستەلدەن كەيىن ب ا ق وكىلدەرىنە وسىنداي مالىمەت بەردى، دەپ حابارلايدى قازاقپارات ءتىلشىسى.

ۆيتسە- مينيستر «باي ادام» دەگەندى كىم دەپ تۇسىنەسىز؟» ، - دەگەن سۇراققا قازىر جاۋاپ بەرۋ ەرتە ەكەنىن ايتادى.

«سىزگە ناقتى سيفر كەرەك شىعار. ونداي سيفردى اتاۋ ازىرگە ەرتە. نەگە ەكەنىن تۇسىندىرەيىن. بۇل جالپىعا بىردەي دەكلاراتسيا اياسىندا جۇرەتىندىكتەن، الىنعان مالىمەتتەردى جيناۋ كەرەك بولادى. كىمنىڭ قانداي تابىسى بار ەكەنىن تالداپ، جىكتەۋ قاجەت. بۇل شامامەن 2027 -جىلى مۇمكىن بولادى. قازىر 2023 -جىل. 5 جىلدان كەيىن «باي ادام» دەپ كىمدى ايتۋعا بولاتىنىن زەرتتەپ، ەسەپتەۋگە بولاتىن شىعار. ناقتى ءبىر سيفردى انىقتايتىن شىعارمىز»، - دەدى ول.

سونداي- اق، اتالمىش ساناتتاعى ادامدارعا سالىق قالاي سالىناتىنىن ايتتى.

«تابىس سالىعىنىڭ پروگرەسسيۆتى شكالاسى قانداي شەكتى سومادان باستاپ الىناتىنىن ەسەپتەيمىز. 10 پايىز دەگەن بازالىق مولشەرلەمە بولاتىنى تۇسىنىكتى. ودان جوعارى 15-20 پايىز بولۋ كەرەك دەگەن نۇسقالار بار. 10-20-30 پايىزدىق شكالا قويۋ مۇمكىندىگىن تالقىلاپ جاتىرمىز. ءبىراق ونىڭ ءبارى قانشا سومادان الىنادى؟ ميلليون تەڭگە مە، 1,5-2 ميلليون تەڭگە مە؟ ول سومانى زاڭداعى وزگەرىستەردىڭ ءماتىنىن جازعان كەزدە اتايتىن شىعارمىز. ويتكەنى قازىر الداعى 5 جىلعا بولجام ايتۋ ءبىرشاما قيىن. جالپى بۇل سۇراقپەن قايتكەندە دە بەتپە- بەت كەلەتىنىمىز تۇسىنىكتى. سالىق كدوەكسىنىڭ ءماتىنى دايىن بولعان كەزدە ول تسيفردى ايتامىز»، - دەدى ازامات ءامرين.

ۇلتتىق ەكونوميكا جانە قارجى مينيسترلىكتەرى سالىق كودەكسىنىڭ جاڭا رەداكسياسىن پارلامەنت قاراۋىنا كەلەر جىلدىڭ كوكتەمىنە دەيىن ۇسىنۋدى جوسپارلاپ وتىر.

سوڭعى جاڭالىقتار