كلينيكالار ەكى جاستان باستاپ بالانىڭ جىنىسىن وزگەرتەتىنى راس پا
وندا مۇنداي جاعدايعا بالانىڭ ويىنشىق تاڭداۋى جانە مىنەز-قۇلقى سەبەپ بولۋى مۇمكىن ەكەنى ايتىلعان.
بۇل اقپارات شىندىققا جاناسپايدى دەپ حابارلايدى، قازاقپارات stopfake.kz-كە سىلتەمە جاساپ.
حابارلاماعا سايكەس، ا ق ش- تاعى كلينيكالار، مىسالى، ەكى جاسار قىز قۋىرشاق ەمەس، ماشينالارمەن وينايتىن بولسا نەمەسە ەر بالا وعان ءتان ەمەس ويىنشىقتاردى تاڭداسا، بالانىڭ جىنىسىن وزگەرتەدى. پوستتا ەكى جاستان ءتورت جاسقا دەيىنگى بالالارعا وتا جاساۋعا دايىن ەكى مەكەمە اتالادى: ديۋك كلينيكاسى جانە سولتۇستىك كارولينا ۋنيۆەرسيتەتىنىڭ كلينيكاسى. سونداي-اق ECU Health كلينيكالار جەلىسى دە كورسەتىلگەن. اتالعان اۋرۋحانالاردىڭ بارلىعى سولتۇستىك كارولينادا ورنالاسقان، سايكەسىنشە وسى شتاتتىڭ زاڭدارىنا باعىنادى. وعان سايكەس، 18 جاسقا تولماعان ادامدارعا جىنىسىن اۋىستىرۋ بويىنشا وپەراتسيا جاسالمايدى.
ديۋك كلينيكاسىنىڭ سايتىندا دا ءدال وسىلاي جازىلعان. كلينيكادا گەندەرلىك ديسفورياسى بار 18 جاسقا دەيىنگى بالالارعا حيرۋرگيالىق ارالاسۋدى قاجەت ەتپەيتىن كونسۋلتاتسيالىق جانە باسقا دا كومەك كورسەتىلەدى.
سولتۇستىك كارولينا ۋنيۆەرسيتەتىنىڭ كلينيكاسىنىڭ سايتتارىندا جانە ECU Health كلينيكالار جەلىسىندە بالالاردىڭ جىنىسىن اۋىستىرۋ وپەراتسيالارى تۋرالى اقپارات جوق.
بۇعان دەيىن Associated Press پورتالىنىڭ فاكتچەكەرلەرى سولتۇستىك كارولينادا ەكى جاسار بالالاردىڭ جىنىسىن وزگەرتۋگە دايىن كلينيكالار بار دەگەن حابارلامالاردى جوققا شىعارعان.
دەمەك، تارالعان اقپارات شىندىققا جاناسپايدى.
