سەناتورلار قازا تاپقان ورمانشىلاردى ءبىر مينۋت ۇنسىزدىكپەن ەسكە الدى
بيۋرو وتىرىسى اباي وبلىسىنداعى الاپات ءورتتىڭ سالدارىنان قازا تاپقان ورمانشىلاردى ءبىر مينۋت ۇنسىزدىكپەن ەسكە الۋمەن باستالدى.
سەنات ءتوراعاسى مەملەكەت باسشىسىنىڭ وكىمىمەن 12- ماۋسىمدا ەلىمىزدە جالپىۇلتتىق ازا تۇتۋ جاريالانعانىنا نازار اۋدارىپ، قايتىس بولعانداردىڭ وتباسىلارى مەن جاقىندارىنا كوڭىل ايتتى. ماۋلەن اشىمبايەۆ كەشە ەل پرەزيدەنتى اتالعان وڭىرگە ارنايى بارىپ، قازا تاپقانداردىڭ وتباسى مۇشەلەرىمەن كەزدەسكەنىن جانە ولارعا كومەك كورسەتۋ، ءورتتىڭ شىعۋ سەبەپتەرىن انىقتاۋ تۋرالى ءتيىستى ورگاندارعا ناقتى تاپسىرمالار بەرگەنىن دە اتاپ ءوتتى.
سونىمەن قاتار بيۋرو وتىرىسىندا الدا بولاتىن ۇكىمەت ساعاتىنىڭ تاقىرىبى تالقىلاندى. ماۋلەن اشىمبايەۆ كوتەرىلەتىن ماسەلەنىڭ ماڭىزدى ەكەنىن ايتا كەلىپ، ەلىمىزدە اگروونەركاسىپ كەشەنىن دامىتۋعا قاتىستى ناقتى ۇسىنىستار ازىرلەۋ كەرەكتىگىن تىلگە تيەك ەتتى.
ايتا كەتەيىك، 16- ماۋسىم كۇنى «اگروونەركاسىپ كەشەنىنىڭ ەكسپورتتىق الەۋەتىن ارتتىرۋ جانە يمپورتتى الماستىرۋ جاعدايىندا اۋىل شارۋاشىلىعى ءونىمىن قايتا وڭدەۋ ماسەلەلەرى» تاقىرىبىنا ارنالعان ۇكىمەت ساعاتىن وتكىزۋ جوسپارلانىپ وتىر.
ودان بولەك، سەناتورلار الداعى پالاتا وتىرىسىنىڭ كۇن ءتارتىبىن بەكىتتى. سوعان سايكەس، دەپۋتاتتار بەيسەنبى كۇنى ۇكىمەتتىڭ جانە جوعارى اۋديتورلىق پالاتانىڭ 2022-جىلعى رەسپۋبليكالىق بيۋجەتتىڭ اتقارىلۋى تۋرالى ەسەپتەرىن قارايدى.
