قىتايلىق جاستار داياشى بولىپ جۇمىس ىستەۋ ءۇشىن كەڭسەدەگى قىزمەتىنەن جاپپاي كەتۋدە

None
استانا. قازاقپارات- قىتايدا جاس ماماندار اراسىندا كورپوراتيۆتىك جۇمىستان باس تارتىپ، قىزمەت كورسەتۋ سالالارىنا داياشى مەن ەدەن جۋۋشى بولىپ جۇمىس ىستەۋ ءۇشىن اۋىسۋ بەلەڭ الا باستاعان.

ب ا ق- تىڭ جازۋىنشا، بۇل ءۇردىس ماماندىق بويىنشا ەڭبەك ەتۋدەن باس تارتۋ دەپ اتالادى. دەرەككوزدە ۇسىنىلعان اقپاراتقا ساي، جاستاردىڭ باسىم بولىگى شىعارماشىلىقپەن اينالىسىپ، دوستارىمەن ارالاسۋعا كوبىرەك ۋاقىت تابۋى ءۇشىن كەڭسەدەگى جۇمىسىنان كەتىپ جاتىر، دەپ حابارلايدى CNBC.

يۋنيس ۆان، 25 جاستا، بيولوگيالىق ينجەنەر ماماندىعى بويىنشا كوللەدجدى بىتىرگەن، كەيىن ا ق ش- تا بيزنەس بارلاۋ ماگيسترى دارەجەسىن الدى. بەيجىڭگە ورالعان بويجەتكەن فارماتسيەۆتيكالىق كومپانياعا ستراتەگيالىق كەڭەسشى بولىپ جۇمىسقا ورنالاسقان. الايدا ءۇش ايدان كەيىن ول جۇمىسىن تاستاپ، تۋعان قالاسىنا ورالىپ، كوفەحاناعا باريستا قىزمەتىنە جۇمىسقا ورنالاسادى. يۋنيستىڭ قىزمەتتىك جولى بۇل تەندەنسيانىڭ مىسالى بولىپ تابىلادى. Xiaohongshu الەۋمەتتىك جەلىسىندە #مەنىڭ العاشقى فيزيكالىق جۇمىس تاجىريبەم حەشتەگى كەڭ تارالۋدا. جاستار قىزمەت كورسەتۋ سالاسىنا قالاي كەلگەنىن اڭگىمەلەيدى.

ولاردىڭ باسىم بولىگى كورپوراتيۆتىك سەكتورداعى جوعارى جالاقىلى جۇمىس ورىندارىنان باس تارتىپ، ونىڭ ورنىنا فاست-فۋد مەيرامحانالارىندا مەنەدجەر، داياشى نەمەسە ەدەن جۋۋشى بولىپ جۇمىسقا ورنالاسقان ەكەن.

شاڭحايداعى نيۋ-يورك ۋنيۆەرسيتەتىنىڭ الەۋمەتتانۋ پروفەسسورى ۆۋ سياوگان پاندەميادان كەيىن جاستاردىڭ كوبىسى ءىس جۇزىندە جۇمىسسىزدىق ماسەلەسىنە تاپ بولىپ، ماماندىعىنان تىس باسقا جۇمىستارعا ورنالاسا باستاعانىن ايتتى. الايدا قازىر بۇل ماسەلەنىڭ ماسشتابى وزگەرگەن. ەندى ادامدار مۇنى ادەيى جاسايدى. ولار كوفەحانالاردا جۇمىس ىستەۋ ءۇشىن كومپانيالارداعى كەڭسەلىك جۇمىستى تاستاپ كەتىپ ءجۇر.

سول ۋنيۆەرسيتەتتىڭ الەۋمەتتانۋ كافەدراسىنىڭ اسسيستەنتى جيا مياو ەلدەگى قارقىندى ەكونوميكالىق ءوسىمى ازاماتتاردىڭ جۇمىس تاڭداۋعا دەگەن كوزقاراسىن وزگەرتكەنىن ايتادى. «اعا بۋىن جوسپارلى ەكونوميكادا جۇمىس ىستەگەن بولاتىن. ال اتقارىپ جاتقان قىزمەتى وتانسۇيگىشتىككە تاربيەلەۋ ۇدەرىسىمەن قۋاتتاندىرىلعان. اركىم ءوزىنىڭ ەڭبەگى جاڭا سوتسياليستىك ەلدىڭ دامۋىنا ۇلەس قوسىپ جاتقانىنا سەنىمدى بولعان. ال قازىر ىشكى جالپى ءونىمنىڭ جوعارى دەڭگەيىنە جەتكەندىكتەن، جاستار كوبىنە ينديۆيدۋالدىق كوزقاراسقا بەت بۇرۋدا. ولار ەندى ەلدىڭ دامۋىنا ۇلەس قوسۋدى ماقساتىم دەپ ەسەپتەمەيدى»، - دەدى ول.

اۆتور: رامازان ەسماعامبەتوۆ

KAZ. NUR. KZ


سوڭعى جاڭالىقتار