پرەزيدەنت سۆەتلانا جاقىپوۆانى جاڭا قىزمەتكە تاعايىندادى
سۆەتلانا جاقىپوۆا 1968 -جىلى قاراعاندى قالاسىندا دۇنيەگە كەلگەن.
1991 -جىلى سەلينوگراد مەملەكەتتىك پەداگوگيكالىق ينستيتۋتىن، 2006 -جىلى الماتى ەكونوميكا جانە ستاتيستيكا اكادەمياسىن ءتامامدادى.
1984 - 1986 -جىلدارى قاروي باستاۋىش مەكتەبىندە ۇزارتىلعان كۇن توبىنىڭ تاربيەشىسى، باستاۋىش سىنىپتاردىڭ مۇعالىمى بولىپ جۇمىس ىستەدى.
1986 - 1991 -جىلدارى - سەلينوگراد مەملەكەتتىك پەداگوگيكالىق ينستيتۋتىندا ءبىلىم الدى.
1991 - 1995 -جىلدارى - № 16 ورتا مەكتەبىندە، № 36 باستاۋىش ورتا مەكتەبىندە ماتەماتيكا ءپانىنىڭ مۇعالىمى بولىپ ەڭبەك ەتتى.
1997 - 1998 -جىلدارى «زەينەتاقى تولەۋ جونىندەگى مەملەكەتتىك ورتالىق» ر م ك ق اقمولا قالالىق بولىمشەسى وپەراتسيالىق ەسەپ جۇرگىزۋ ءبولىمىنىڭ اعا مامانى، باس مامانى بولدى.
1998 - 2001 -جىلدارى «زەينەتاقى تولەۋ جونىندەگى مەملەكەتتىك ورتالىق» ر م ك ق اقمولا (استانا) قالالىق فيليالىنىڭ ەكونوميكالىق تالداۋ ءبولىمىنىڭ باس مامانى، باستىعى، فيليال ديرەكتورىنىڭ ورىنباسارى قىزمەتىن اتقاردى.
2001 - 2008 -جىلدارى «زەينەتاقى تولەۋ جونىندەگى مەملەكەتتىك ورتالىق» ر م ك ق اقمولا وبلىستىق فيليالىنىڭ ديرەكتورى بولدى.
2008 - 2011 -جىلدارى قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك قامسىزداندىرۋ جانە الەۋمەتتىك ساقتاندىرۋ دەپارتامەنتى ديرەكتورىنىڭ مىندەتىن اتقارۋشى، ديرەكتورى قىزمەتىن اتقاردى.
2011 - 2013 -جىلدارى - «ۇلتتىق اقپاراتتىق تەحنولوگيالار» ا ق جوبالاۋ وفيسى باعدارلامالار باسشىسى لاۋازىمىندا ەڭبەك ەتتى.
2013 -جىلعى 19-تامىزدان باستاپ 2014 -جىلعى تامىزعا دەيىن - قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيتسە- ءمينيسترى بولدى.
2014 -جىلعى تامىزدان باستاپ - قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى بولىپ تاعايىندالدى.
2017-2019 -جىلدارى قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ۆيتسە- ءمينيسترى بولدى.
«قۇرمەت» وردەنىمەن ماراپاتتالعان.
