بىلتىرعى قوستانايداعى الاپات ورتتەن ءتيىستى قورىتىندى شىعارىلمادى - توقايەۆ
بىرىنشىدەن، بارلىق قاجەتتى تاپسىرما بەرىلسە دە، بىلتىرعى الاپات ورتتەن ءتيىستى قورىتىندى شىعارىلمادى.
قاۋىپ- قاتەردىڭ باعالانباعانى قازىردىڭ وزىندە تۇسىنىكتى بولىپ وتىر. بولجام دۇرىس جاسالمادى.
ناتيجەسىندە تابيعات اپاتى ءتيىستى دارەجەدە ءارى دەر كەزىندە اۋىزدىقتالمادى. دەمەك، ءتيىستى الگوريتمدەر جۇمىس ىستەمەيدى.
بۇل، ەڭ الدىمەن، ت ج م- ءنىڭ كەمشىلىگى.
«جالپى، قاۋىپسىزدىك كەڭەسى بەكىتكەن ءىس- ارەكەت الگوريتمى بولۋى كەرەك. ورمان ورتەندى مە، دەمەك ونى دەرەۋ سوندىرۋگە كىرىسۋ كەرەك. ءبىراق تەحنيكاسى، قۇرال- جابدىعى جوق ورمانشىلاردى قاۋىپتى جاعدايدا قالدىرۋعا بولمايدى. كەم دەگەندە، ءورتتى وقشاۋلاۋ مىندەتى قويىلۋى كەرەك. بىرگە جۇمىس ىستەۋ قاجەت. بۇل – بۇكىل حالىقتىق اپات. رومان ۆاسيليەۆيچ سكليار، اينالىسىڭىز، وسى ماسەلەلەردى باقىلاۋعا الىڭىز. ءبىز جاقىندا عانا قوستانايداعى جاعدايدى باستان وتكەردىك، نەگە ساباق المادىق؟ ءورت - ءجيى بولاتىن قۇبىلىس. بۇكىل الەمدە ءورت بولىپ جاتىر. ونىمەن كۇرەسە ءبىلۋ كەرەك. اسىرەسە، ءبىز ورماندار تۋرالى ايتىپ وتىرمىز. جالپى، ءبىز ورماندارىمىزعا دۇرىس قارامايمىز. بىزدە ولاردىڭ كولەمى از. 4 پايىزعا جەتپەيتىن ورمان القابى بار. باس پروكۋراتۋراعا قوزعالعان قىلمىستىق ءىس اياسىندا ۋاكىلەتتى ورگاندار مەن لاۋازىمدى ادامداردىڭ ءىس- ارەكەتىنە ناقتى باعا بەرۋدى تاپسىرامىن»، - دەدى قاسىم- جومارت توقايەۆ.
«ەكىنشىدەن، ورمان جانە دالا ءورتىن ەرتە انىقتاپ، الدىن الۋ جۇمىستارى جولعا قويىلماعان. ەكولوگيا جانە تابيعي رەسۋرستار مينيسترلىگى مەن وڭىرلەردىڭ اكىمدەرى مۇددەلى مەملەكەتتىك ورگاندارمەن بىرلەسىپ:
- ءورت وشاقتارىن ەرتە انىقتاۋدىڭ سيفرلىق جۇيەلەرىمەن جابدىقتاۋى، ءورتتى بەينەباقىلاۋ جانە مونيتورينگ جاساۋ جۇيەلەرىن ەنگىزۋ شارالارىن قابىلداۋى كەرەك؛
- مۇنداي جۇيەلەردى ەنگىزگەنگە دەيىن ورمان القابىن اۆياتسيا ارقىلى جانە جەردەن باقىلاۋ، سونداي- اق ءورت قاۋپى جوعارى كەزەڭدەردە «ۇشقىشسىز ۇشاتىن اپپاراتتاردى» قولدانۋ جيىلىگىن ارتتىرۋى قاجەت؛
- تابيعاتتى قورعاۋ جانە ورمان مەكەمەلەرىن ورتكە قارسى تەحنيكالارمەن جاراقتاندىرۋ دەڭگەيىن تالاپقا ساي نورمالارعا دەيىن جەتكىزۋى كەرەك»، - دەپ اتاپ ءوتتى پرەزيدەنت.