09:41, 12 - ماۋسىم 2023 | GMT +6
اباي وبلىسىنداعى ورمان ءورتى بويىنشا قىلمىستىق ءىس قوزعالدى - باس پروكۋراتۋرا
استانا. قازاقپارات - 9 -ماۋسىم كۇنى اباي وبلىسىنىڭ ورمان القابىندا ورىن العان ءورت فاكتىسى بويىنشا قىلمىستىق كودەكستىڭ 292-بابىنىڭ 3-بولىگى بويىنشا سوتقا دەيىنگى تەرگەپ- تەكسەرۋ باستالدى (ابايسىزدا ەكى جانە ودان دا كوپ ادامنىڭ ولىمىنە اكەپ سوققان ءورت قاۋىپسىزدىگى تالاپتارىن بۇزۋ)، دەپ حابارلايدى قازاقپارات.
مەملەكەت باسشىسىنىڭ تاپسىرماسىنا ساي قىلمىستىق ءىس ارنايى پروكۋرورلاردىڭ ءىس جۇرگىزۋىنە قابىلداندى.
«قۇقىق قورعاۋ جانە ارنايى ورگانداردىڭ تاجىريبەلى قىزمەتكەرلەرى قاتارىنان ۆەدومستۆوارالىق جەدەل- تەرگەۋ توبى قۇرىلدى.
سونىمەن قاتار، ادامداردىڭ قازا بولۋىنا جانە قورشاعان ورتاعا ەلەۋلى زيان كەلتىرۋگە اكەپ سوققان اۋىر زارداپتاردى نازارعا الا وتىرىپ، ارنايى پروكۋرور سالعىرتتىق فاكتىسى بويىنشا قىلمىستىق ءىستى تىركەدى»، - دەپ جازدى باس پروكۋراتۋرادان.
ونى تەرگەپ- تەكسەرۋ اياسىندا جاۋاپتى لاۋازىمدى ادامداردىڭ ءىس- ارەكەتتەرىنە ءتيىستى قۇقىقتىق باعا بەرىلەتىن بولادى.
