پرەزيدەنت: ت ج م باسشىلارى ءوز مىندەتتەرىنە سەلقوس قارايدى، نە ىستەۋ كەرەگىن بىلمەيدى
«بۇل - ەڭ الدىمەن، وسىنداي اپاتتارعا جول بەرمەۋ قاجەت، سونىمەن قاتار توتەنشە جاعداي بولعان كەزدە ءتيىستى شارالار جوعارى دەڭگەيدە ۇيىمداستىرىلۋى كەرەك دەگەن ءسوز. ءبىزدىڭ جاعدايىمىزدا كاسىبي سالعىرتتىق، ادامداردىڭ تاعدىرىنا مۇلدە نەمقۇرايلى قاراۋ بايقالدى. قازىر بۇعان تاعى دا كوز جەتكىزدىم. ال، قازىرگى تاڭدا ساپالى، دۇرىس جۇمىس اتقارىلىپ جاتقان جوق. مۇنى مويىنداۋىمىز كەرەك. ءبىر سوزبەن ايتقاندا، بۇل سالانىڭ جۇمىسىن تۇبەگەيلى جاقسارتۋ قاجەت. مينيسترلىك، ونىڭ باسشىلارى ءوز قىزمەتتىك مىندەتتەرىنە سەلقوس قارايدى. نە ىستەۋ كەرەك ەكەنىن بىلمەيدى. شۇعىل شەشىمدەر قابىلدامايدى. سوندىقتان وسىنداي اپاتتار ورىن الىپ وتىر»، - دەپ اتاپ ءوتتى مەملەكەت باسشىسى.
پرەزيدەنت كەشەگى كادرلىق اۋىس- ءتۇيىس جايىندا دا ءسوز قوزعادى.
«وزدەرىڭىز بىلەسىزدەر، مەن كەشە توتەنشە جاعدايلار ءمينيسترىن اۋىستىرۋ تۋرالى شەشىم قابىلدادىم. جاڭا ءمينيستردى تاعايىندادىم. گەنەرال- مايور سىرىم دۇيسەنعازى ۇلى ءشارىپحانوۆ جۇمىسقا كىرىستى. توتەنشە جاعداي سالاسىندا تاجىريبەسى، ءتيىستى ءبىلىمى بار»، - دەدى ول.